Real Madrid មានភាគរយចាញ់ទ្វេដង នៅពេល Isco មិនបានលេងជម្រើស១១នាក់ដំបូង
- 2017-12-26 04:30:49
- ចំនួនមតិ 0 | ចំនួនចែករំលែក 0
Real Madrid មានភាគរយចាញ់ទ្វេដង នៅពេល Isco មិនបានលេងជម្រើស១១នាក់ដំបូង
ចន្លោះមិនឃើញ
បើយោងតាមស្ថិតិរបស់វេបសាយ Marca បានបង្ហាញថា ក្រុមអធិរាជស Real Madrid មានភាគរយចាញ់ទ្វេដង ប្រសិនបើតារាឆ្នើម Isco មិនត្រូវបានដាក់ឲ្យចូលលេងជាជម្រើស១១នាក់ដំបូង។
ក្នុងចំណោម ១៥៥ប្រកួត ដែលមានវត្តមានរបស់ Isco, ក្រុម Real Madrid ឈ្នះ ១១៦ លើក ស្មើ ២៣ លើក និងចាញ់ ១៣ លើក ធ្វើឲ្យភាគរយដែលទទួលបរាជ័យគឺ ៨ភាគរយ។ ក្នុងនោះ Isco លេងពេញ៩០នាទី បាន ៥៧ប្រកួត និង មិនពេញ៩០នាទី ចំនួន ៩៨ប្រកួត។
ចំណែក ៩៣ប្រកួត ដែល Isco មិនជាប់ជាជម្រើស ១១នាក់ដំបូង Real Madrid ឈ្នះ ៦៥ លើក ស្មើ ១៥ លើក និង ចាញ់ ១៣ ប្រកួត នាំឲ្យភាគរយចាញ់ មាន ១៤ភាគរយ។ ក្នុងនោះ Isco ត្រូវបានប្ដូរចូលលេងពីកៅអីបម្រុងចំនួន ៦៥ លើក។
គួររំឭកថា Isco មិនត្រូវបានលោក Zidane គ្រូបង្វឹក Real Madrid ដាក់ឲ្យចូលលេងឡើយ កាលពីជំនួបដែល Real ចាញ់ Barcelona ០-៣។ លើសពីនេះ អតីតកីឡាកររបស់ Malaga ដដែល ក៏មិនត្រូវបានដាក់ឲ្យចូលលេងដូចគ្នា កាលពីជំនួបរវាងក្រុមទាំងពីរ ដែល Real ចាញ់ ៣-២ នៅរដូវកាលមុន ព្រមទាំងបរាជ័យ ៤-០ កាលពី ២ឆ្នាំមុនផងដែរ៕