Paris ដាក់ GPS លើកីឡាករ និងតាមដានមិនឲ្យឡើងទម្ងន់ អំឡុងពេលឈប់សម្រាកឆ្លងឆ្នាំ

2017-12-27 07:33:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប PSG បានដាក់កំហិតលើកីឡាកររបស់ខ្លួន ដោយមិនត្រូវធ្វើឲ្យឡើងទម្ងន់ឡើយ អំឡុងពេលនៃការអបអរសាទរទិវាបុណ្យណូអែល ក៏ដូចជាការឆ្លងឆ្នាំថ្មី ដែលជិតឈានចូលមកដល់នាពេលឆាប់ៗខាងមុខនេះ។ លើសពីនេះ ក្លឹបក៏បានដាក់ប្រព័ន្ធ GPS ដើម្បីតាមដានសកម្មភាពនានារបស់កីឡាករនិមួយៗផងដែរ។

សកម្មភាពហ្វឹកហាត់របស់ PSG នាពេលកន្លងទៅ

ក្រុមខ្លាំងរបស់បារាំង បានអនុញ្ញាតឲ្យសមាជិករបស់ខ្លួន ឈប់សម្រាកពីការហ្វឹកហាត់ ដើម្បីធ្វើដំណើរទៅកាន់ប្រទេសកំណើតរបស់ពួកគេ។ យោងតាមសារព័ត៌មានបារាំង Le Parisien បានឲ្យដឹងថា សមាជិករបស់ក្លឹប PSG ទាំងអស់ មិនត្រូវបានអនុញ្ញាតឲ្យឡើងទម្ងន់សូម្បីតែ ១គីឡូក្រាម មុនពេលត្រឡប់ទៅហ្វឹកហាត់វិញនៅថ្ងៃទី២ ខែមករា ឆ្នាំ២០១៨។

Cavani

ការឈប់សម្រាកនេះ មានន័យថា តារាបាល់ទាត់ទាំងអស់របស់ PSG អាចមានរយៈពេល ១០ថ្ងៃដើម្បីដើរលេងកម្សាន្តជាមួយក្រុមគ្រួសារ-មិត្តភ័ក្ដិ មុនវិលត្រឡប់មកវិញ ដើម្បីត្រៀមប្រកួតទល់នឹងក្រុម Rennes នាថ្ងៃទី៧ ខែមករា ឆ្នាំ២០១៨៕