រុស្ស៊ី ទទួលបរាជ័យក្នុងការបាញ់បង្ហោះផ្កាយរណបតម្លៃជាង ៤០លានដុល្លារ
- 2017-12-27 23:25:38
- ចំនួនមតិ 0 | ចំនួនចែករំលែក 0
រុស្ស៊ី ទទួលបរាជ័យក្នុងការបាញ់បង្ហោះផ្កាយរណបតម្លៃជាង ៤០លានដុល្លារ
ចន្លោះមិនឃើញ
ប្រទេសរុស្ស៊ី បានទទួលបរាជ័យដោយសារតែបេសកកម្មនៃការបញ្ជូនផ្កាយរណបមួយគ្រឿងរបស់ខ្លួន មិនទទួលបានជោគជ័យ កាលពីខែមុន ដែលធ្វើឲ្យរុស្ស៊ី ខាតបង់ថវិកាចំនួន ៤៤,៩៥ លានដុល្លារអាមេរិក។ នេះជាការបង្ហើបរបស់ឧបនាយករដ្ឋមន្ត្រីរុស្ស៊ីលោក Dmitry Rogozin កាលពីថ្ងៃទី២៧ ខែធ្នូ ឆ្នាំ២០១៧។
ភ្នាក់ងារអវកាសរុស្ស៊ី Roscosmos បានប្រកាសកាលពីខែមុនថា បានបាត់បង់ការទាក់ទងជាមួយ ផ្កាយរណបសិក្សាពីអាកាសធាតុ ដែលទើបតែបាញ់បង្ហោះ ឈ្មោះ Meteor M ។ មិនតែប៉ុណ្ណោះ ផ្កាយរណបសម្រាប់ការស្រាវជ្រាវផ្សេងៗរបស់ប្រទេសរុស្ស៊ី ន័រវែស ស៊ុយអែត សហរដ្ឋអាមេរិក ជប៉ុន កាណាដា និងអាល្លឺម៉ង់ ដែលត្រូវបានបាញ់បង្ហោះជាមួយគ្រាប់រ៉ុកកែតតែមួយ ក៏ត្រូវបានបាត់បង់ផងដែរ។
ឧបនាយករដ្ឋមន្ត្រីរុស្ស៊ី បានអះអាងថា បរាជ័យនៃការបញ្ជូនផ្កាយរណបនេះ គឺបណ្ដាលមកពីបញ្ហាកំហុសរបស់មនុស្ស មិនមែនមកពីបច្ចេកវិទ្យានៃការបាញ់បង្ហោះឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
