ម្ចាស់មេដាយស៊ីហ្គេម ៣រូប ឡើងសង្វៀនប្រកួតចុងសប្ដាហ៍នេះ

2017-12-29 09:57:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម្ចាស់មេដាយស៊ីហ្គេម ឡៅ ចិត្រា ឃីម ឌីម៉ា និង វ៉ាន់ វឿន នឹងឡើងតតាំងជាមួយជើងខ្លាំងមកពីប្រទេសថៃ និងឡាវ នាចុងសប្ដាហ៍នេះ។

នៅល្ងាចថ្ងៃសុក្រនេះ ឡៅ ចិត្រា ប៉ះជាមួយជើងខ្លាំងមកពីប្រទេសឡាវ Thanupetch Yayamuaythai ក្នុងប្រភេទទម្ងន់ ៦០គីឡូក្រាម នៅសង្វៀនបាយ័ន ស្ទឹងមានជ័យ ចាប់ពីម៉ោង ៧យប់។

ឡៅ ចិត្រា វាយឈ្នះគូប្រកួតនៅស៊ីហ្គេម ២០១៧

ចំណែក ឃីម ឌីម៉ា នឹងត្រូវប៉ះជាមួយ Pha Yaklek ក្នុងទម្ងន់ ៦៣,៥គីឡូក្រាម នៅថ្ងៃសៅរ៍ ទី៣០ ស្អែកនេះវេលាម៉ោង ៨យប់ នៅសង្វៀនទូរទស្សន៍អាស៊ីអាគ្នេយ៍។

ឃីម ឌីម៉ា ពេលឈ្នះមេដាយមាសនៅស៊ីហ្គេម

រីឯ វ៉ាន់ វឿន ឬ សុខ ទូ ក៏ឡើងសង្វៀនដែរ ដោយត្រូវប៉ះជើងខ្លាំងថៃ Superbas ទម្ងន់ ៥៤គីឡូក្រាម នៅ PNN ថ្ងៃអាទិត្យ ទី៣១ ធ្នូ ចាប់ពីម៉ោង៥ល្ងាចតទៅ។

វ៉ាន់ វឿន (ក្រហម) ពេលប្រកួតនៅស៊ីហ្គេម

ក្រៅពីជើងខ្លាំងទាំង៣នាក់នេះ ក៏មានអ្នកប្រដាល់ជួរមុខរបស់កម្ពុជាដូចជា ឡៅ ចន្រ្ទា ឡុង សុភី រឿង សោភ័ណ្ឌ អ៊ុង វិរៈ ថុល មករា ហ៊ឹម សេរី ម៉ង សាម៉េត យ៉េន ឌីណា ឆៃ សារ៉ា ពេជ្រ ស៊ីហា នឹងត្រូវឡើងសង្វៀន នាចុងសប្ដាហ៍នេះដែរ៕

អត្ថបទ៖ នួន ស៊ីណា