ទូរសព្ទតម្លៃត្រឹម៣០ដុល្លារ ដើរដោយ Android Oreo គ្រោងចេញលក់នៅឥណ្ឌា
- 2018-01-03 09:08:45
- ចំនួនមតិ 0 | ចំនួនចែករំលែក 0
ទូរសព្ទតម្លៃត្រឹម៣០ដុល្លារ ដើរដោយ Android Oreo គ្រោងចេញលក់នៅឥណ្ឌា
ចន្លោះមិនឃើញ
Google គ្រោងនឹងបញ្ចេញលក់ទូរសព្ទម៉ាក Android Go លើកដំបូងរបស់ខ្លួន នៅលើទីផ្សាររបស់ប្រទេសកំពុងអភិវឌ្ឍ។ Android Go មានតម្លៃត្រឹមតែ ៣១ដុល្លារប៉ុណ្ណោះ ប៉ុន្តែដំណើរការដោយប្រព័ន្ធប្រតិបត្តិការ Oreo ដែលស្មាតហ្វូនកំពូលៗមួយចំនួនមិនទាន់ទទួលបានការធ្វើកំណែ Update ទៅកាន់ប្រព័ន្ធដំណើរការជំនាន់នេះនៅឡើយ។
Android Go ត្រូវបានផលិតឡើងដោយក្រុមហ៊ុន Micromax របស់ឥណ្ឌា ដោយចាប់ដៃគូជាមួយ Google ។ វានឹងបង្ហាញខ្លួននៅលើទីផ្សារប្រទេសឥណ្ឌានៅចុងខែមករានេះ។ លក្ខណៈសម្បត្តិរបស់ទូរសព្ទម៉ាកថ្មីនេះ មានដូចជា RAM ទំហំ 512-1GB អង្គផ្ទុកទិន្នន័យ 8GB និងឈិបដែលផលិតដោយក្រុមហ៊ុន Qualcomm និង MediaTek ។
Google បានអះអាងថា ប្រព័ន្ធដំណើរការ Android Oreo នៅលើស្មាតហ្វូនតម្លៃ៣១ដុល្លារនេះ គឺធ្វើឡើងយ៉ាងពិសេសសម្រាប់តែវាប៉ុណ្ណោះ ដើម្បីជួយឲ្យកម្មវិធីផ្សេងៗដំណើរការបានល្អជាមួយ Specs កម្រិតទាបរបស់វា។
ក្រៅពីឥណ្ឌា មកទល់ពេលនេះ Google មិនទាន់បញ្ជាក់ពីការចេញលក់ Android Go នៅលើទីផ្សារប្រទេសដទៃ នៅឡើយទេ៕