ចូល៥នាទី Diego Costa រកបាន១គ្រាប់ ក្នុងការបង្ហាញខ្លួនលើកដំបូងជាថ្មីនៅ At. Madrid
- 2018-01-04 01:13:23
- ចំនួនមតិ 0 | ចំនួនចែករំលែក 0
ចូល៥នាទី Diego Costa រកបាន១គ្រាប់ ក្នុងការបង្ហាញខ្លួនលើកដំបូងជាថ្មីនៅ At. Madrid
ចន្លោះមិនឃើញ
Diego Costa មិនបានចំណាយពេលយូរឡើយ ក្នុងការរកគ្រាប់បាល់ទីមួយរបស់ខ្លួន បន្ទាប់ពីផ្ទេរពី Chelsea ទៅកាន់ Atletico Madrid ។ ខ្សែប្រយុទ្ធរូបនេះ រកបាន១គ្រាប់ភ្លាមៗ ក្រោយត្រូវប្ដូរចូល បានត្រឹមតែ ៥នាទីប៉ុណ្ណោះ និងជាគ្រាប់ទី៤ ជួយឲ្យក្រុម At. Madrid យកឈ្នះម្ចាស់ផ្ទះ Lleida Esportiu ដោយលទ្ធភល ០-៤ នៅក្នុងជើងទីមួយ វគ្គ ១៦ក្រុមចុងក្រោយ ពានរង្វាន់ Copa del Rey យប់មិញ។
Costa បានប្ដូរចូលក្នុងនាទី៦៤ និងរកបានគ្រាប់បាល់ដំបូងនៅនាទី៦៩ ក្នុងនាមជាកីឡាកររបស់ At. Madrid សាជាថ្មី។ កីឡាករសញ្ជាតិប្រេស៊ីលដដែល បានចាកចេញពី At. Madrid រយៈពេលជាង ៣ឆ្នាំ ពោលគឺក្រោយចប់រដូវកាល២០១៣-១៤។
សូមបញ្ជាក់ថា កីឡាករវ័យ២៩ឆ្នាំខាងលើ បានផ្ទេរពីក្រុមតោខៀវ ក្នុងទឹកប្រាក់ ៦៦លានអឺរ៉ូ ឬជិត ៨០លានដុល្លារ៕