ក្រោយ Coutinho ទៅ Barca ក្រុមហង្សក្រហមប្រកាសដំណឹងល្អមួយឲ្យ Fan

2018-01-08 03:32:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ឆ្នើម Philippe Coutinho បានក្លាយជាសមាជិកថ្មីរបស់ក្រុមអ្នកមានបុណ្យ Barcelona ជាផ្លូវការ បន្ទាប់ពីផ្ទេរពី Liverpool ក្នុងតម្លៃ ១៤២លានផោន ឬជាង ១៩២លានដុល្លារអាមេរិក ប៉ុន្តែជាមួយការចាកចេញនេះ ក្រុមហង្សក្រហមក៏បានប្រកាសផងដែរថា ខ្លួននឹងសងចំនួន ៥០ផោន ឬជិត ៧០ដុល្លារ ដល់អ្នកគាំទ្រដែលបានទិញអាវដែលមានបោះពុម្ពឈ្មោះនិងលេខរបស់ Coutinho ។

ក្រុមហង្សក្រហម នឹងផ្ដល់ជាប័ណ្ណទូទាត់មួយសន្លឹក ដែលមានតម្លៃស្មើ ៥០ផោន សម្រាប់អ្នកគាំទ្រដែលបានទិញអាវ Coutinho ក្នុងរដូវកាល២០១៧-១៨ នេះ។

សូមបញ្ជាក់ថា កីឡាករសញ្ជាតិប្រេស៊ីល ដែលមានវ័យ២៥ឆ្នាំ នឹងត្រូវបង្ហាញខ្លួនជាផ្លូវការនៅមុខអ្នកគាំទ្រ ក្នុងកីឡដ្ឋាន Nou Camp របស់ Barcelona នៅថ្ងៃចន្ទ ទី៨ ខែមករា ឆ្នាំ២០១៧នេះ។ Coutinho បានចុះកុងត្រា ៥ឆ្នាំកន្លះជាមួយក្រុមអ្នកមានបុណ្យ ដែលធ្វើឲ្យតម្លៃទិញផ្តាច់កុងត្រារបស់គេកើនឡើងដល់ ៣៥៥លានផោន ឬជាង ៤៨០លានដុល្លារអាមេរិកឯណោះ៕