កែវ រំចង់ កំណត់រយៈពេលដើម្បីឲ្យសមត្ថភាពដូចដើម

2018-01-10 03:34:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករជើងខ្លាំង និងជាអ្នកប្រដាល់ជួរមុខរបស់កម្ពុជា កែវ រំចង់ បានប្រាប់ថា ប្រសិនបើខ្លួនឡើងសង្វៀនប្រហែល ៤-៥ ប្រកួតទៀត នោះសមត្ថភាពអាចនឹងដូចដើមវិញ ដោយការប្រឹងប្រែងជាប្រចាំ។

កែវ រំចង់ បានឲ្យដឹងថា ការចូលប្រកួតប៉ុន្មានសប្ដាហ៍មុននេះ ទាំងសមត្ថភាព និងភាពរហ័សរហួននៅមិនទាន់បានល្អដូចពីមុនទេ។ អ្នកមកពីបាត់ដំបងខាងលើបន្តថា ការវ៉ៃក្នុងប្រភេទទម្ងន់ ៧៥គីឡូក្រាម ជាទម្ងន់ធំ និងពិបាកណាស់ ហើយសុខភាពក៏មិនសូវល្អទៀត ដែលខុសពីមុនវ៉ៃត្រឹម៧០គីឡូក្រាម ដែលមានភាពងាយស្រួលជាងនេះ។ បច្ចុប្បន្ន អ្នកប្រដាល់រូបនេះនៅតែព្យាយាមសម្រក់ទម្ងន់ និងហ្វឹកហាត់ជាប្រចាំ។ ដូចនេះមិនយូរទេ សមត្ថភាពប្រកួតអាចនឹងល្អដូចដើមវិញ។

កែវ រំចង់ ជាកីឡាករល្បីឈ្មោះរបស់កម្ពុជាដែលធ្លាប់ឆ្លងកាត់សង្វៀនទាំងក្នុងស្រុក និងក្រៅស្រុកជាច្រើនប្រកួតមកហើយ។ កីឡាកររូបនេះទើបតែវិលចូលសង្វៀនបានមួយប្រកួតនោះទេ ក្រោយមានរបួសដួលម៉ូតូ ធ្វើឲ្យអាក់ខានឡើងបង្ហាញមុខអស់រយៈពេលជាយូរ ហើយគេនឹងត្រូវប្រកួតលើកទី២ចុងខែមករានេះ៕

ប្រភព៖ Sabay News អត្ថបទ៖ នួន ស៊ីណា