បើរកឃើញយន្តហោះ MH370 ក្រុមហ៊ុនអាមេរិកមួយនឹងទទួលបាន ៥០លានដុល្លារ
- 2018-01-10 09:57:26
- ចំនួនមតិ 0 | ចំនួនចែករំលែក 0
បើរកឃើញយន្តហោះ MH370 ក្រុមហ៊ុនអាមេរិកមួយនឹងទទួលបាន ៥០លានដុល្លារ
ចន្លោះមិនឃើញ
ម៉ាឡេស៊ី បានចុះកិច្ចសន្យាតម្លៃ ៥០លានដុល្លារ ជាមួយនឹងក្រុមហ៊ុនរុករករបស់អាមេរិកមួយឈ្មោះ Ocean Infinity ដើម្បីស្វែងរកយន្តហោះ MH370 ដែលបាត់ខ្លួនកាលពីឆ្នាំ២០១៤។
បើតាមកិច្ចសន្យាដែលបានធ្វើនៅថ្ងៃនេះ (១០ មករា ២០១៨) បញ្ជាក់ថា ទឹកប្រាក់ចំនួន ៥០លានដុល្លារ ត្រូវប្រគល់ឲ្យក្រុមហ៊ុន Ocean Infinity លុះត្រាតែយន្តហោះ MH370 ត្រូវបានរកឃើញ។ នេះបានន័យថា បើក្រុមហ៊ុនរកមិនឃើញ នោះលុយនឹងមិនត្រូវប្រគល់ឲ្យពួកគេនោះឡើយ។
យន្តហោះ MH370 អមជាមួយអ្នកធ្វើដំណើរ ២៣៩នាក់ បានបាត់ស្រមោលសូន្យឈឹង កាលពីខែមីនា ឆ្នាំ២០១៤។ នៅឆ្នាំ២០១៧ អូស្ត្រាលី ចិន និងម៉ាឡេស៊ី បានចំណាយប្រាក់ប្រមាណជា ២០០លានដុល្លារ ក្នុងប្រតិបត្តិការរុករក MH370 តែគ្មានទទួលបានលទ្ធផលជាផ្លែផ្កាអ្វីឡើយ។ ការរុករកនេះ ធ្វើឡើងក្នុងរយៈចម្ងាយ ១២ម៉ឺនគីឡូម៉ែត្រការ៉េ។
ក្រោមកិច្ចសន្យាថ្មីរវាងម៉ាឡេស៊ី និងក្រុមហ៊ុនអាមេរិក ប្រតិបត្តិការរុករកលើកនេះ នឹងពង្រីកទំហំដល់ ២៥ម៉ឺនគីឡូម៉ែត្រការ៉េបន្ថែមទៀត ដែលមានរយៈពេលប្រហែល ៩០ថ្ងៃ៕