តម្លៃខ្លួនអ្នកលេងគុនខ្មែរ ៥រូប ក្នុងការប្រកួតម្ដងៗ
- 2018-01-11 06:22:43
- ចំនួនមតិ 0 | ចំនួនចែករំលែក 0
តម្លៃខ្លួនអ្នកលេងគុនខ្មែរ ៥រូប ក្នុងការប្រកួតម្ដងៗ
ចន្លោះមិនឃើញ
អ្នកប្រដាល់គ្រប់រូប នៅពេលឡើងប្រកួតម្ដងៗ ទទួលបានប្រាក់តម្លៃខ្លួនទៅតាមកេរ្តិ៍ឈ្មោះ និងសមត្ថភាពរបស់ខ្លួន។ អ្នកខ្លះបានច្រើន ហើយអ្នកខ្លះទៀតបានតិច។ ខាងក្រោម ជាបង្ហាញតម្លៃខ្លួនកីឡាករប្រដាល់ល្បីៗ ៥ រូប៖
សុខ ធី ៖ ជើងខ្លាំងវ័យក្មេងរូបនេះ បច្ចុប្បន្នឡើងសង្វៀននៅប្រទេសថៃម្ដងទទួលបានតម្លៃខ្លួន ៤៥០០០បាត (ប្រហែល១៣០០ដុល្លារ)។ ក្នុងមួយខែរូបគេអាចរកបានចន្លោះពី ៨០ ០០០បាតទៅ៩០ ០០០ បាតផងដែរ (២៤០០ ទៅ ២៧០០ដុល្លារ)។
ធឿន ធារ៉ា ៖ ឡើងសង្វៀន Max Muay Thai កន្លងទៅ អ្នកប្រដាល់រូបនេះទទួលបានតម្លៃខ្លួនចំនួន ២ម៉ឺនបាត (ជាង ៦០០ដុល្លារសហរដ្ឋអាមេរិក)។
រឿង សោភ័ណ្ឌ ៖ កីឡាករឆ្នើមរបស់កម្ពុជាដែលពូកែប្រើកណ្ដាប់ដៃរូបនេះ ត្រូវបានគេដឹងថា ទទួលប្រាក់តម្លៃខ្លួនចន្លោះពី ៤០០ ទៅ ៥០០ ដុល្លារអាមេរិក អាស្រ័យទៅតាមតម្លៃនៃប៉ុស្តិ៍ទូរទស្សន៍។
ឡុង សុភី ៖ អ្នកប្រដាល់ចាស់វស្សាដែលកំពុងឡើងកូដរូបនេះ ត្រូវបានគេដឹងថា ទទួលបានប្រាក់តម្លៃខ្លួនចន្លោះពី ៤០០ ទៅ ៤៥០ ដុល្លារអាមេរិក ហើយចំនួនទឹកប្រាក់នេះអាស្រ័យទៅតាមប៉ុស្តិ៍ទូរទស្សន៍។
ពេជ្រ ម្ទេសខ្មាំង ៖ អ្នកប្រដាល់វ័យ២២ឆ្នាំរូបនេះ ធ្លាប់ប្រកួតបាន ៨៨ ដងក្នុងនោះឈ្នះ ៨១ ដងស្មើ ២ ចាញ់ ៥ ដង។ សម្រាប់តម្លៃខ្លួនដែលរូបគេទទួលបានក្នុងការប្រកួតម្ដងៗគឺមានចំនួនចន្លោះពី ៣៥០ ទៅ ៤០០ ដុល្លារអាមេរិក៕