នាយ ចយ ត្រៀមដឹកដៃសង្សារវ័យ ១៨ឆ្នាំ ចូលរោងការចុងខែក្រោយ

2018-01-12 03:21:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ភិច សែ ហៅនាយ ចយ តារាកំប្លែងក្នុងក្រុមនាយក្រឹម បានបង្ហើបឲ្យដឹងនៅព្រឹកថ្ងៃសុក្រនេះថា ខ្លួនគ្រោងដឹកដៃសង្សារ ចូលរោងជ័យនាខែក្រោយនេះហើយ គឺនៅថ្ងៃទី២៧ ខែកុម្ភៈ ឆ្នាំ២០១៨។

អាពាហ៍ពិពាហ៍របស់តារាកំប្លែងរូបនេះ គ្រោងធ្វើនៅមណ្ឌលអាពាហ៍ពិពាហ៍ ក្នុងបូរីភពថ្មីសែនសុខ ដោយលោកគ្រោងអញ្ជើញភ្ញៀវប្រហែល ២០ ទៅ ៣០តុ។ អនាគតភរិយារបស់លោក ដែលមហាជនតែងសរសើរថាមានសម្រស់ស្រស់ស្អាតមិនចាញ់តារានោះ មានឈ្មោះថា ខ្វាន់ ឌី វ័យ១៨ឆ្នាំ គឺជាអ្នកខេត្តពោធិ៍សាត់។

នាយ ចយ បានឲ្យដឹងថា លោក និងសង្សារ ទើបតែស្គាល់គ្នាជាង១ឆ្នាំប៉ុណ្ណោះ តាមរយៈការលេង Facebook។ ដោយសារតែនិស្ស័យ ធ្វើឲ្យទំនាក់ទំនងកាន់តែជិតស្និទ្ធ ហើយឈានដល់មានទំនាក់ទំនងស្នេហាជាមួយគ្នាតែម្ដងទៅ។ តារាកំប្លែងរូបនេះ បន្តឲ្យដឹងថា អនាគតភរិយារបស់លោក បច្ចុប្បន្នកំពុងតែរៀនជំនាញខាងសម្អាង។

តារាកំប្លែងវ័យ២៥ឆ្នាំ មកពីខេត្តត្បូងឃ្មុំរូបនេះ បានប្រឡូកក្នុងអាជីពជាតារាកំប្លែង តាំងពីឆ្នាំ២០០៧ ដោយស្ថិតក្នុងក្រុមកំប្លែងនាយក្រឹមរហូតមក មិនដែលប្ដូរក្រុមនោះទេ៕