ពូទីន៖ គីម ជុងអ៊ុន ជាមនុស្សឆ្លាត ហើយអាចយកឈ្នះ ដូណាល់ ត្រាំ

2018-01-12 07:39:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ៉្លាឌឺមៀ ពូទីន ប្រធានាធិបតីរុស្ស៊ី បានប្រាប់ឲ្យដឹងកាលពីថ្ងៃទី១១មករាថា មេដឹកនាំកូរ៉េខាងជើងគឺជាមនុស្ស "ឆ្លាត និងចាស់ទុំ" ហើយបានយកឈ្នះលើការប្រកួតប្រជែងជាមួយលោកខាងលិច (អាមេរិក) ជុំវិញកម្មវិធីមីស៊ីល និងនុយក្លេអ៊ែរ។

លោក វ៉្លាឌឺមៀ ពូទីន ប្រធានាធិបតីរុស្ស៊ី

លោក ពូទីន និយាយប្រាប់អ្នកសារព័ត៌មានក្នុងស្រុកថា៖ "ខ្ញុំគិតថា ច្បាស់ណាស់គឺលោក គីម ជុងអ៊ុន ជាអ្នកឈ្នះក្នុងជុំនេះ។ លោកបានសម្រេចនូវកិច្ចការបែបយុទ្ធសាស្ត្រមួយចំនួនដូចជា៖ លោកមានអាវុធនុយក្លេអ៊ែរ លោកមានមីស៊ីលជាច្រើនអាចបាញ់ចម្ងាយ ១៣០០០គីឡូម៉ែត្រ ដែលអាចផ្លោងដល់គ្រប់ទីកន្លែងទាំងអស់លើពិភពលោក"។

សកម្មភាពបាញ់មីស៊ីលចេញពីទឹករបស់កូរ៉េខាងជើង

បន្ថែមពីនេះ លោកប្រធានាធិបតីរុស្ស៊ី ក៏បានទទូចដដែលៗឲ្យពិភពលោកធ្វើការចរចាជាមួយនឹងកូរ៉េខាងជើង ខណៈដែលពេលនេះលោក គីម ជុងអ៊ុន កំពុងចង់ធ្វើឲ្យស្ថានភាពនយោបាយស្ងប់ស្ងាត់ផងដែរនោះ។ "គាត់ (គីម ជុងអ៊ុន) ជាមនុស្សឆ្លាត និងចេះគិតច្រើនហើយ" លោក ពូទីន បន្ថែម៕

ប្រភព៖ CNBC ប្រែសម្រួល៖ ឈាង.