ចិន នឹងជួយកម្ពុជា ជួសជុលប្រាសាទភិមានអាកាស

2018-01-13 08:38:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមរដ្ឋាភិបាលចិនសម្រាប់ការអភិរក្សអង្គរ ហៅកាត់ CSA នៃសាធារណរដ្ឋប្រជាមានិតចិន នឹងធ្វើការជួសជុលឡើងវិញនូវប្រាសាទភិមានអាកាស ដែលជាអតីតព្រះបរមរាជវាំងនៃក្រុងអង្គរធំ នៅពាក់កណ្ដាលឆ្នាំ២០១៨នេះ។

ប្រាសាទភិមានអាកាស

គម្រោងជួសជុលប្រាសាភិមានអាកាសនេះដែរ ត្រូវបានលើកឡើងនៅក្នុងឯកសារស្ដីពី លិខិតប្ដូរសារពីការជួសជុលនៅរាជវាំងក្រុងអង្គរធំ នៅក្នុងពិធីចុះអនុស្សារណៈនៃការយោគយល់គ្នាលើឯកសារចំនួន១៩ នៃដំណើរទស្សនកិច្ចផ្លូវការរបស់ឯកឧត្ដម លី ខឺឈាង នាយករដ្ឋមន្ត្រីចិន មកកាន់កម្ពុជា កាលពីថ្ងៃទី១០-១១ ខែមករា ឆ្នាំ២០១៨ កន្លងទៅ។

ពិធីចុះអនុស្សារណៈនៃការយោគយល់គ្នាលើឯកសារចំនួន១៩ នៃដំណើរទស្សនកិច្ចផ្លូវការរបស់ឯកឧត្ដម លី ខឺឈាង

សូមបញ្ជាក់ថា CSA នៃសាធារណរដ្ឋប្រជាមានិតចិន ធ្លាប់បានចូលរួមជួសជុលប្រាសាទចៅសាយទេវតា កាលពីឆ្នាំ១៩៩៤ និងរួចរាល់នៅឆ្នាំ២០០៨ ហើយចាប់ជួសជុលប្រាសាទតាកែវ ចាប់ពីឆ្នាំ២០០៧ និងបញ្ចប់នៅចុងឆ្នាំ២០១៧៕

អត្ថបទ៖ លាភ.