Wenger ថា Sanchez នឹងចាកចេញពី Arsenal ក្នុង៤៨ម៉ោងទៀត

2018-01-15 08:58:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Arsene Wenger អ្នកចាត់ការក្រុមកាំភ្លើងធំ Arsenal បាននិយាយកាលពីថា លោករំពឹង Alexis Sanchez នឹងសម្រេចអនាគតរបស់គេ ដោយចាកចេញនៅក្នុងរយៈពេល ៤៨ម៉ោងខាងមុខ ស្របពេលដែលក្រុមបិសាចក្រហម Manchester United គឺជាគោលដៅធំរបស់កីឡាករសញ្ជាតិស៊ីលីរូបនេះ។ ការអះអាងរបស់អ្នកចាត់ការក្រុមកាំភ្លើងធំ បានធ្វើឡើងមុនការប្រកួតដែលក្រុមរបស់លោក ចាញ់ Bournemouth ដោយលទ្ធផល ២-១ យប់មិញ។

Wenger មិនបានកោះហៅ Sanchez រួមដំណើរជាមួយមិត្តរួមក្រុមដទៃទៀត ទៅសួរសុខទុក្ខក្រុមម្ចាស់ផ្ទះ Bournemouth ឡើយ។ ការធ្វើដូច្នេះ ត្រូវបានអ្នកចាត់ការសញ្ជាតិបារាំងដដែលពន្យល់ថា ដោយសារតែស្ថានភាពរបស់ Sanchez មានភាពប្រញាប់ប្រញាល់។

Man Utd ជាបេក្ខភាពមួយដែលមានអាទិភាពក្នុងការនាំយកកីឡាករវ័យ២៩ឆ្នាំរបស់ Arsenal បន្ទាប់ពី Man City បានដកខ្លួនចេញ ក្រោយសំណើរវាងក្លឹបមិនស្របគ្នា។ ក្រុមរបស់លោក Wenger បានទាមទារតម្លៃខ្លួន Sanchez ចំនួនជាង ៥០លានដុល្លារអាមេរិក៕

ប្រភព៖ theguardian ប្រែសម្រួល៖ លាភ.