Zanco Tiny T1 ទូរសព្ទតូចបំផុតលើលោក ទំហំប៉ុនមេដៃ

2018-01-15 10:06:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Zanco Tiny T1 ជាទូរសព្ទ ដែលមានរូបរាងតូចបំផុតលើពិភពលោក ដោយទម្ងន់វាត្រឹម ១៣ក្រាម និងកម្រាស់តែ ១២មិល្លីម៉ែត្រប៉ុណ្ណោះ។

ទូរសព្ទដ៏សែនល្អិតមួយនេះ ពុំមាន Browser សម្រាប់បើកអ៊ីនធឺណិត កម្មវិធី ឬអេក្រង់ Touch នោះទេ។ និយាយឲ្យចំ វាគ្រាន់តែជាទូរសព្ទធម្មតាមួយគ្រឿងប៉ុណ្ណោះ ដោយលក្ខណៈពិសេសគឺសំដៅទៅលើរូបរាងដ៏តូចនេះឯង។

Tiny T1 មានអេក្រង់ប្រភេទ OLED តូចមួយទំហំ ១២មិល្លិម៉ែត្រ ហើយដំណើរការដោយប្រព័ន្ធ 2G។ ថ្មរបស់វាទុកចោលបានរយៈពេល ៣ថ្ងៃ ឯការនិយាយទូរសព្ទវិញបាន ៣ម៉ោង។ ចំពោះការបញ្ចូលថាមពលចាយពេលមិនដល់ ១ម៉ោងទេ។

ដោយសារតែមានអេក្រង់តូច រាល់ការផ្ញើសារចេញចូលបានត្រឹមតែ ៩០អក្សរប៉ុណ្ណោះ។ ចំណែកការរក្សាទុកលេខទូរសព្ទ មិនអាចច្រើនជាង ៣០០ឈ្មោះទេ។

គោលបំណងនៃការបង្កើត Tiny T1 គឺដើម្បីងាយស្រួលប្រើប្រាស់ជំនួសមួយពេលៗ ក្រោយបាត់ទូរសព្ទ ឬក៏ធ្វើជាទូរសព្ទសម្ងាត់ទុកការពារខ្លួន ពេលមានអាសន្ន ព្រោះវាមានរូបរាងតូចមិនងាយរកឃើញ។ Tiny T1 អាចនឹងដាក់ក្នុងតម្លៃប្រមាណជា ៥០ដុល្លារ៕

ប្រភព៖ idropnews ប្រែសម្រួល៖ ឈាង.