ក្រសួងសេដ្ឋកិច្ច បង្ហាញចំនួនប្រាក់ខែ ដែលត្រូវជាប់ពន្ធ

2018-01-16 09:35:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងសេដ្ឋកិច្ច និងហិរញ្ញវត្ថុ បានចេញសេចក្តីណែនាំស្តីពីការអនុវត្តអត្រាពន្ធលើប្រាក់បៀវត្សរថ្មី កាលពីម្សិលមិញថា ចាប់ពីខែមករា ឆ្នាំ២០១៨នេះតទៅ អ្នកដែលមានប្រាក់ខែត្រឹម ១ ២០០ ០០០រៀល គឺមិនជាប់ពន្ធឡើយ (០%)។ ចំណែកប្រាក់ខែដែលត្រូវជាប់ពន្ធគឺ៖

ពី ១ ២០០ ០០១រៀល ដល់ ២ ០០០ ០០០រៀល ជាប់ពន្ធ ៥%

ពី ២ ០០០ ០០០១រៀល ដល់ ៨ ៥០០ ០០០រៀល ជាប់ពន្ធ ១០%

ពី ៨ ៥០០ ០០១រៀល ដល់ ១២ ៥០០ ០០០រៀល ជាប់ពន្ធ ១៥%

និងលើសពី ១២ ៥០០ ០០០រៀល ជាប់ពន្ធ ២០%។

ក្រសួងក៏បានបញ្ជាក់ដែរថា មន្រ្តីរាជការ គ្រូបង្រៀន គ្រូពេទ្យ និងកម្មករនិយោជិតដែលមានបន្ទុកចិញ្ចឹមកូន ប្តី ឬប្រពន្ធ ត្រូវបានអនុញ្ញាតឲ្យកាត់បន្ថយមូលដ្ឋានគិតពន្ធលើប្រាក់ខែចំពោះកូនក្នុងបន្ទុក និងសហព័ទ្ធជាមេផ្ទះ ក្នុងម្នាក់ៗ ១២ម៉ឺនរៀលក្នុង១ខែ។ ការកាត់បន្ថយនេះ នឹងធ្វើឲ្យអ្នកទាំងនេះ ដែលមានប្រាក់ខែក្នុងរង្វង់ពី ពី ១ ២០០ ០០១រៀល ដល់ ១ ៦០០ ០០០រៀល (ប្រមាណពី ៣០០ ទៅ ៤០០ដុល្លារ) អាចនឹងរួចផុតពីការបង់ពន្ធ។

ចំពោះរបៀបនៃការកាត់ពន្ធលើប្រាក់បៀវត្ស សូមអានសេចក្តីណែនាំរបស់ក្រសួងសេដ្ឋកិច្ចខាងក្រោមនេះ៖