Ferrari គ្រោងផលិតរថយន្តស្ព័រដ៏ទំនើប ដើរដោយអគ្គិសនី ប្រជែងជាមួយ Tesla
- 2018-01-17 03:46:38
- ចំនួនមតិ 0 | ចំនួនចែករំលែក 0
Ferrari គ្រោងផលិតរថយន្តស្ព័រដ៏ទំនើប ដើរដោយអគ្គិសនី ប្រជែងជាមួយ Tesla
ចន្លោះមិនឃើញ
ក្រុមហ៊ុន Ferrari កំពុងមានគម្រោងផលិតរថយន្តស្ព័រទំនើប (Supercar) ដែលដំណើរការដោយកម្លាំងអគ្គិសនី ជំនួសឲ្យប្រេងឥន្ធនៈ។ នេះជាការប្រកាសរបស់លោក Sergio Marchionne នាយកប្រតិបត្តិរបស់ Ferrari កាលពីថ្ងៃទី១៦ ខែមករា ឆ្នាំ២០១៨។
លោក Sergio បានលើកឡើងថា ក្រុមហ៊ុនគូប្រជែង Tesla មានសមត្ថភាពអាចបង្កើតរថយន្តស្ព័រអគ្គិសនីទៅរួច ដូច្នេះក្រុមហ៊ុនដទៃដូចជា Ferrari របស់លោក ក៏អាចធ្វើបានដូចគ្នាដែរ។
គម្រោងនេះត្រូវគេមើលឃើញថា វាផ្ទុយនឹងអ្វីដែលលោក Sergio ធ្លាប់បានបង្ហាញទស្សនៈចំពោះការអភិវឌ្ឍរថយន្តអគ្គិសនី នាពេលកន្លងមក។
សូមបញ្ជាក់ថា កាលពីដើមឆ្នាំ២០១៦កន្លងទៅ Ferrai បានប្រកាសថា ក្រុមហ៊ុននឹងមិនផលិតរថយន្តស្ព័រអគ្គិសនីឡើយ នាពេលអនាគត។ លោក Sergio ថែមទាំងបាននិយាយថា ការបង្កើតរថយន្តអគ្គិសនីជាគំនិតដ៏ល្ងីល្ងើមួយទៀតផង៕