អ្នករកស៊ីអនឡាញតាម YouTube កាន់តែយ៉ាប់យ៉ឺន ព្រោះគោលការណ៍ថ្មីនេះ
- 2018-01-17 04:32:40
- ចំនួនមតិ 0 | ចំនួនចែករំលែក 0
អ្នករកស៊ីអនឡាញតាម YouTube កាន់តែយ៉ាប់យ៉ឺន ព្រោះគោលការណ៍ថ្មីនេះ
ចន្លោះមិនឃើញ
YouTube នឹងចាប់អនុវត្តគោលការណ៍រកលុយថ្មី សម្រាប់ដៃគូពាណិជ្ជកម្មនៅលើបណ្ដាញសង្គមរបស់ខ្លួន។ ការបើកមុខងាររកលុយ (Monetization) នឹងមានតម្រូវការខ្ពស់ជាងការអនុវត្តគោលការណ៍ចាស់នៅឆ្នាំ២០១៧ ដែលទាមទារការមើលវីដេអូតែ ១ម៉ឺនដង (view) ប៉ុណ្ណោះ។
គោលការណ៍ថ្មី នឹងតម្រូវឲ្យគណនី YouTube បើកការរកលុយបានទាល់តែរយៈពេលមើលវីដេអូមានចំនួន ៤០០០ម៉ោង និងចំនួន Subscriber ដល់ ១០០០នាក់ ក្នុងរយៈពេល១២ខែចុងក្រោយ។ YouTube នឹងអនុវត្តគោលការណ៍ថ្មីនេះចាប់ពី ថ្ងៃទី២០ ខែកុម្ភៈ ឆ្នាំ២០១៨ ខាងមុខ។
សូមបញ្ជាក់ថា ចំពោះគណនី YouTube ណាដែលធ្លាប់បើក Monetization រួចហើយ តែមានចំនួនម៉ោងទស្សនា និង Subscriber មិនគ្រប់នឹងគោលការណ៍ថ្មី នឹងត្រូវបិទមុខងាររកលុយ។ នេះបានន័យថា ទាល់តែគ្រប់ចំនួននៃគោលការណ៍ថ្មីទើបបើកឲ្យរកលុយជាមួយ YouTube ម្ដងទៀត៕