ប្រធានាធិបតីវៀតណាម ចង់បានបច្ចេកវិទ្យា និងការវិនិយោគរបស់ជប៉ុន លើវិស័យ៦

2018-01-17 04:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីវៀតណាម លោក Tran Dai Quang បានបង្ហាញក្តីរំពឹងដោយចង់បានបច្ចេកវិទ្យា និងការវិនិយោគរបស់ជប៉ុន លើវិស័យអាទិភាពចំនួន៦ សម្រាប់យុទ្ធសាស្រ្តឧស្សាហូបនីយកម្មរបស់វៀតណាម។ លោកថ្លែងឲ្យដឹងដូច្នេះ ក្នុងកិច្ចសម្ភាសន៍១ ជាមួយនឹងអ្នកកាសែតជប៉ុន Yomiuri Shimbun កាលពីពេលថ្មីៗនេះ។

វិស័យទាំង៦នោះរួមមាន៖ អេឡិចត្រូនិច គ្រឿងយន្តកសិកម្ម ដំណើរការផលិតជលជាតិ និងកសិដ្ឋាន ការផលិតកប៉ាល់ ការសន្សំសំចៃថាមពល និងការការពារបរិស្ថាន ព្រមទាំងឧស្សាហកម្មយានយន្តផងដែរ។

លោកប្រធានាធិបតី បានចាត់ទុកជប៉ុន គឺជាប្រភពផ្តល់ជំនួយអភិវឌ្ឍន៍ដ៏ធំបំផុតរបស់វៀតណាម និងជាដៃគូពាណិជ្ជកម្មធំបំផុតទី៤ ផងដែរ។ លោកបន្តថា ប្រទេសទាំង២ បានធ្វើការរួមគ្នាលើគម្រោងហេដ្ឋារចនាសម្ព័ន្ធ និងថាមពលធំៗជាច្រើន នៅវៀតណាម។

រោងចក្រផលិតសេនស័រ (sensor) សម្រាប់ប្រើក្នុងឧបករណ៍អេឡិចត្រូនិចរបស់ជប៉ុន ១កន្លែង នៅប្រទេសវៀតណាម

សូមជម្រាបថា គិតពីខែមករា ដល់ខែវិច្ឆិកា ឆ្នាំ២០១៧ ការវិនិយោគផ្ទាល់របស់ជប៉ុន នៅវៀតណាម មានទំហំទឹកប្រាក់សរុបស្ទើរជិត ៩ពាន់លានដុល្លារ គឺច្រើនជាង ៤ដង បើប្រៀបធៀបនឹងរយៈពេលដូចគ្នា ក្នុងឆ្នាំ២០១៦៕

ប្រភព៖ Vietnam News ប្រែសម្រួល៖ សំភី