ចុងឆ្នាំ២០១៧ ថៃរកចំណូលពីទេសចរណ៍បានជិត ៦ពាន់លានដុល្លារ
- 2018-01-17 06:27:10
- ចំនួនមតិ 0 | ចំនួនចែករំលែក 0
ចុងឆ្នាំ២០១៧ ថៃរកចំណូលពីទេសចរណ៍បានជិត ៦ពាន់លានដុល្លារ
ចន្លោះមិនឃើញ
ចំនួនទេសចរបរទេសដែលមកលេងកម្សាន្តនៅប្រទេសថៃ កាលពីខែធ្នូ ឆ្នាំ២០១៧កន្លងទៅ មានប្រមាណជា ៣,៥លាននាក់។ ចំណែកឯចំណូលវិញ រកបានប្រហែល ៥,៩ពាន់លានដុល្លារ។ នេះបើយោងតាមរដ្ឋលេខាធិការអចិន្ត្រៃយ៍ក្រសួងទេសចរណ៍ និងកីឡារបស់ថៃ លោក Pongpanu Svetarundra។
លោក Pongpanu បន្តឲ្យដឹងថា ភាគច្រើននៃទេសចរ ដែលមកលេងស្រុកថៃ មានប្រភពចេញពីប្រទេសអាស៊ីខាងកើត អឺរ៉ុប អាស៊ីខាងត្បូង និងសហរដ្ឋអាមេរិក។ បើធៀបនឹងឆ្នាំ២០១៦ ចំនួនទេសចរមានការកើនឡើងដល់ ១៥,៥១%។
បើតាមការស្រាវជ្រាវ បង្ហាញឲ្យឃើញថា ៥៧% នៃទេសចរបរទេស គឺធ្លាប់មកលេងប្រទេសថៃ លើសពីម្ដង។ លើសពីនេះទៅទៀត ៥៣% នៃពួកគេ មានបំណងមកលេងតែប្រទេសថៃមួយគត់ ពោលគឺមិនទៅលេងនៅប្រទេសក្បែរខាងថៃនោះឡើយ៕