Facebook សារភាពថា Messenger ឥឡូវពិតជារញ៉េរញ៉ៃណាស់
- 2018-01-17 07:04:18
- ចំនួនមតិ 0 | ចំនួនចែករំលែក 0
Facebook សារភាពថា Messenger ឥឡូវពិតជារញ៉េរញ៉ៃណាស់
ចន្លោះមិនឃើញ
ក្នុងរយៈពេល២ឆ្នាំមកនេះ កម្មវិធី Facebook Messenger ត្រូវបានបន្ថែមនូវមុខងារថ្មីៗជាច្រើន ដូចជាបច្ចេកវិទ្យាទូទាត់ប្រាក់ ឬក៏លេងហ្គេមជាមួយមិត្តភ័ក្ដិ ជាដើម។ យ៉ាងណាមិញ មានមុខងារខ្លះល្អ តែខ្លះទៀតក៏មិនសូវជាមានគេប្រើ ហើយបែរជាធ្វើឲ្យ Messenger មានភាពរញ៉េរញ៉ៃទៅវិញ។
ទាក់ទងនឹងបញ្ហានេះ លោក David Marcus ប្រធានផ្នែក Messenger របស់ Facebook បានបង្ហោះសារនៅលើបណ្ដាញសង្គមកាលពីថ្ងៃទី១៦មករាថា បច្ចុប្បន្ន Messenger ពិតជាមានមុខងារជាច្រើនឥតបានការប្រាកដមែន។ ហេតុដូច្នេះហើយ នៅឆ្នាំ២០១៨ Facebook គ្រោងនឹងធ្វើយ៉ាងណាឲ្យ Messenger មានសភាពងាយស្រួលប្រើប្រាស់ឡើងវិញ និងផ្ដល់ជាបទពិសោធន៍ល្អៗដល់អ្នកកំពុងប្រើប្រាស់។
បើទោះជាយ៉ាងនេះក្ដី លោក Marcus ពុំបានបញ្ជាក់ថា មុខងារណាខ្លះទេដែលនឹងត្រូវដកចេញពី Messenger៕