ជនជាតិខ្មែររស់នៅខុសច្បាប់ ២នាក់ ត្រូវសមត្ថកិច្ចថៃ ចាប់ខ្លួន ដោយសារប្រកបរបរ...

2018-01-17 13:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សមត្ថកិច្ចថៃបានចាប់ខ្លួន អ្នកចំណាកស្រុកខុសច្បាប់ ៣នាក់ ដែលក្នុងនោះពីរនាក់មកពីកម្ពុជា និង ម្នាក់ទៀតមកពីមីយ៉ាន់ម៉ា ដោយសារការលក់ទំនិញក្លែងក្លាយ។ ការចាប់ខ្លួននេះ បានធ្វើឡើងនៅក្នុងស្រុក Muangក្នុងខេត្តពូកេត ប្រទេសថៃ ពីបទលក់ទំនិញក្លែងក្លាយ កាលពីថ្ងៃអង្គារ ទី១៦ ខែមករា ឆ្នាំ២០១៨។

មន្ត្រីក្រសួងមហាផ្ទៃថៃ រួមគ្នាជាមួយ កងទ័ព និងមន្ត្រីជើងទឹក ដែលដឹកនាំដោយលោក Danai Jaikheng ចៅហ្វាយស្រុកទទួលបន្ទុកក្រុងពូកេត បានចាត់វិធានការទៅលើអ្នកលួចលក់ទំនិញដែលល្មើសនឹងច្បាប់កម្មសិទ្ធិបញ្ញា។

អ្នកទាំង៣នាក់ដែលត្រូវបានចាប់ខ្លួននេះ រួមមាន លោកDoan Thi Thuan អាយុ៣៩ឆ្នាំ ជនជាតិមីយ៉ាន់ម៉ា ដោយសមត្ថកិច្ចបានរឹបអូសរបស់ក្លែងក្លាយប្រមាណ៦៧៤។ រីឯ ជនជាតិខ្មែរពីរនាក់វិញ គឺមានលោក រុណ (Ron) អាយុ ២៤ឆ្នាំ និងលោក ព្រាន គីមរ៉ា (Prean Kimra) អាយុ២០ឆ្នាំ ហើយសមត្ថកិច្ចបានរឹបអូសរបស់ក្លែងក្លាយប្រមាណ ៣៧៩ ពីពួកគាត់រួមមានវ៉ែនតាម៉ាកល្បីជាដើម។

ជុំវិញរឿងនេះ អ្នកទាំងបីនេះ ត្រូវបានចោទប្រកាន់ពីបទលួចចូលទៅកាន់ប្រទេសថៃ ដោយខុសច្បាប់ទៀតផង៕

ប្រភព៖ The Nation ប្រែសម្រួល៖ អ៊ឺម ម៉េងស៊ាង