១៦ថ្ងៃដំបូងក្នុងឆ្នាំ២០១៨ រដ្ឋាភិបាល ចំណាយ ២០ម៉ឺនដុល្លារលើកម្មការិនីដែលសម្រាលកូន

2018-01-17 13:35:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងពិធីសំណេះសំណាលជាមួយកម្មករកាត់ដេរជាង ១៦០០០ នាក់ នៅតំបន់រោងចក្រ ព្រៃទា ក្នុងខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃពុធ ទី១៧ខែមករា សម្តេច ហ៊ុន សែន បានប្រកាសថា ក្នុងរយៈពេល ១៦ថ្ងៃ គិតចាប់ពីថ្ងៃទី១ ខែមករា មានស្ត្រីជាកម្មករ ចំនួន ១៨៩៥ នាក់ បានសម្រាលកូន ហើយបាន ១៩១៤ ទារក (ស្ត្រីខ្លះ សម្រាលបានកូនភ្លោះ)។ សម្ដេចនាយករដ្ឋមន្ត្រីបន្តថា រដ្ឋាភិបាល បានចំណាយថវិកាអស់ប្រមាណ ៧៦៤លាន ៤សែនរៀល ស្មើប្រមាណ ២០ម៉ឺនដុល្លារអាមេរិក ដើម្បីផ្តល់ឲ្យស្ត្រីទាំងនោះ។ កម្មការិនី ដែលសម្រាលបានកូនម្នាក់ ទទួលបាន ៤០ ម៉ឺនរៀល។

សម្ដេច ហ៊ុន សែន ចុះជួបកម្មការិនីរោងចក្រ នាពេលកន្លងទៅ

សម្តេច ហ៊ុន សែន ក៏បានប្រកាសថា រាជរដ្ឋាភិបាលបានត្រៀមបម្រុងថវិកា ១០លានដុល្លារ ក្នុង១ឆ្នាំ សម្រាប់ផ្តល់ឲ្យស្រ្តីកម្មករកាត់ដេរ រួមទាំងស្ត្រីបម្រើការងារក្នុងវិស័យឯកជន ទាំងក្នុងប្រព័ន្ធ និងទាំងក្រៅប្រព័ន្ធទាំងអស់ទូទាំងប្រទេស។ ពោលគឺឲ្យអ្នកបម្រើការងារក្នុងវិស័យឯកជន ដែលបានចុះបញ្ជីការងារ និងធ្វើប័ណ្ណការងារបេឡាជាតិរបបសន្តិសុខសង្គម ប.ស.ស របស់ក្រសួងការងារ។

នៅពេលសព្វថ្ងៃ ប.ស.ស ថវិកាក្នុងដៃ ២៥% នៃថវិកាសរុប ១០លានដុល្លារ ពោលគឺមាន ២លាន ៥សែនដុល្លារ សម្រាប់បើកផ្តល់ប្រាក់គោលនយោបាយ សម្រាប់កម្មការិនីនិយោជិកសម្រាលកូន។ ថវិកា ២៥% នេះ ក្រសួងសេដ្ឋកិច្ច ត្រូវបំពេញបន្ថែមដល់ ប.ស.ស រហូត។ នេះបើតាមសម្តេចនាយករដ្ឋមន្ត្រី៕

អត្ថបទ៖ លីហៀង