ត្រាំ ចោទរុស្ស៊ីថា លួចជួយកូរ៉េខាងជើងឲ្យគេចផុតពីទណ្ឌកម្មអន្តរជាតិ
- 2018-01-18 01:53:59
- ចំនួនមតិ 0 | ចំនួនចែករំលែក 0
ត្រាំ ចោទរុស្ស៊ីថា លួចជួយកូរ៉េខាងជើងឲ្យគេចផុតពីទណ្ឌកម្មអន្តរជាតិ
ចន្លោះមិនឃើញ
លោក ដូណាល់ ត្រាំ ប្រធានាធិបតីអាមេរិក បាននិយាយឲ្យដឹងនៅថ្ងៃនេះថា ប្រទេសរុស្ស៊ី បានលួចជួយកូរ៉េខាងជើងឲ្យរួចផុតពីទណ្ឌកម្មអន្តរជាតិ ដែលធ្វើឡើងដើម្បីទប់ស្កាត់កម្មវិធីនុយក្លេអ៊ែរ និងមីស៊ីលរបស់ប្រទេសផ្ដាច់ការមួយនេះ។
បន្ថែមពីនេះ លោក ត្រាំ ក៏បានបង្ហាញពីភាពស្រងាកចិត្តផងដែរ ព្រោះលោកធ្លាប់រំពឹងថា រុស្ស៊ីនឹងផ្សារភ្ជាប់ទំនាក់ទំនងយ៉ាងល្អជាមួយអាមេរិក ក្រោយលោកជាប់ជាប្រធានាធិបតីអាមេរិកកាលពីឆ្នាំ២០១៦។
ការថ្លែងយ៉ាងដូច្នេះរបស់លោកប្រធានាធិបតី ធ្វើឡើងបន្ទាប់ពីមានសេចក្ដីរាយការណ៍ពីមន្ត្រីអាមេរិកថា រុស្ស៊ី និងចិន នៅតែបន្តជួយដល់កូរ៉េខាងជើង បើទោះជាប្រទេសទាំង២ធ្លាប់ប្រកាសដាក់ទណ្ឌកម្មក៏ពិតមែន។ លោកស្រី Tammy Duckworth សមាជិកព្រឹទ្ធសភាអាមេរិក និយាយថា ច្បាស់ណាស់ រុស្ស៊ី និងចិន កំពុងតែផ្ដល់ជំនួយជាច្រើនដល់កូរ៉េខាងជើង ដោយពួកគេបានបំពានច្បាប់ដាក់ទណ្ឌកម្មរបស់អន្តរជាតិ៕