សម្តេច ហ៊ុន សែន គ្រោងបង្កើតមូលនិធិគន្ធបុប្ផា
- 2018-01-18 02:51:13
- ចំនួនមតិ 0 | ចំនួនចែករំលែក 0
សម្តេច ហ៊ុន សែន គ្រោងបង្កើតមូលនិធិគន្ធបុប្ផា
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានលើកឡើងពីគម្រោងបង្កើតមូលនិធិគន្ធបុប្ផាកម្ពុជា ដោយសម្តេចនឹងធ្វើជាប្រធានកិត្តិយស ដើម្បីធានាផ្តល់ទុនកាន់តែច្រើនដល់មន្ទីរពេទ្យគន្ធបុប្ផា។ ការថ្លែងនេះ ធ្វើឡើងក្នុងពិធីប្រកាសផ្សព្វផ្សាយគោលនយោបាយជាតិ ស្តីពីមនុស្សវ័យចាស់ឆ្នាំ២០១៧-២០៣០ នាព្រឹកថ្ងៃទី១៨ ខែមករានេះ នៅវិមានសន្តិភាព។
ទោះជាយ៉ាងណា សម្តេច ហ៊ុន សែន បញ្ជាក់ថា គម្រោងបង្កើតមូលនិធិនេះ មិនមែនជាការលុបបំបាត់ចោលនូវមូលនិធិគន្ធបុប្ផារបស់លោកវេជ្ជបណ្ឌិត Beat Richner នោះទេ ប៉ុន្តែនេះគឺជាការបំពេញបន្ថែមរបស់ភាគីកម្ពុជា ដើម្បីធានាថា មន្ទីរពេទ្យគន្ធបុប្ផា នៅតែបន្តដំណើរការ ដោយគ្មានការរអាក់រអួល។
សូមជម្រាបថា មន្ទីរពេទ្យគន្ធបុប្ផា ត្រូវបានសម្ពោធដំបូងនាថ្ងៃទី២៣ ខែកញ្ញា ឆ្នាំ១៩៩២ ហើយមកដល់ពេលនេះមានរយៈពេលជាង ២៥ឆ្នាំហើយ ដោយមូលនិធិគន្ធបុប្ផា បានចំណាយថវិកា អស់ជាង ៦០០លានដុល្លារ។
កាលពីថ្មីៗនេះ មូលនិធិគន្ធបុប្ផា បានប្រកាសពីតួលេខប្រចាំឆ្នាំ២០១៧ ឲ្យដឹងថា នៅមន្ទីរពេទ្យគន្ធបុប្ផា ដោយទាំងមន្ទីរពេទ្យគន្ធបុប្ផានៅភ្នំពេញ និងជ័យវរ្ម័នទី៧ ( គន្ធបុប្ផាទី៣ ) បានផ្តល់សេវាសុខភាពឲ្យកុមារមានជំងឺចំនួនជិត ៩១ម៉ឺននាក់ ដោយចំណាយថវិកាប្រមាណ ៣៦លានដុល្លារ៕