ស្វែងយល់ពីផ្លូវជាតិមួយ ដែលតភ្ជាប់គ្នារវាងខេត្តកោះកុង និងពោធិ៍សាត់
- 2018-01-18 07:06:25
- ចំនួនមតិ 0 | ចំនួនចែករំលែក 0
ស្វែងយល់ពីផ្លូវជាតិមួយ ដែលតភ្ជាប់គ្នារវាងខេត្តកោះកុង និងពោធិ៍សាត់
ចន្លោះមិនឃើញ
ផ្លូវជាតិមួយ ដែលភ្ជាប់គ្នារវាងខេត្តកោះកុង និងពោធិ៍សាត់ និងមានរាងដូចអន្ទង់នោះ គឺជាផ្លូវជាតិលេខ៥៥។
តាមរបាយការណ៍របស់ក្រសួងសាធារណការ និងដឹកជញ្ជូនឲ្យដឹងថា ផ្លូវជាតិលេខ៥៥នេះ មានប្រវែងជាង ១៨២គីឡូម៉ែត្រ ទទឹង ម៉ែត្រ ជាផ្លូវហាយវេថ្នាក់ទី៣ និងត្រូវបានកំណត់ល្បឿនក្នុងការបើកបរនៅតំបន់ធម្មតា គឺក្នុងល្បឿន ៦០គីឡូម៉ែត្រក្នុង១ម៉ោង។ ចំពោះផ្លូវស្ថិតក្នុងតំបន់ភ្នំ គឺបានកំណត់ល្បឿន ៣០គីឡូម៉ែត្រក្នុង១ម៉ោង។
ផ្លូវជាតិលេខ៥៥ គឺជាបណ្ដាញផ្លូវដ៏សំខាន់មួយ នៃការតភ្ជាប់ការដឹកជញ្ជូនពីខេត្តពោធិ៍សាត់ ទៅតភ្ជាប់នឹងផ្លូវជាតិលេខ៥ និងបណ្ដាផ្លូវសំខាន់ៗមួយចំនួនទៀត នៃព្រំដែនកម្ពុជា-ថៃ ហើយវាជាផ្នែកមួយដ៏សំខាន់បំផុតនៃបណ្ដាញផ្លូវ នៅភាគខាងលិច ប្រទេសកម្ពុជា។
ដោយឡែកកំណាត់ទី១ ចាប់ពីចំណុចតភ្ជាប់ផ្លូវជាតិលេខ៤៨ ទីរួមខេត្តកោះកុង កាត់តាមស្រុកមណ្ឌលសីម៉ា ស្រុកថ្មបាំង រហូតមក ដល់ចំណុចរង្វង់មូល ឃុំប្រមោយ ស្រុកវាលវែង ខេត្តពោធិ៍សាត់ ប្រវែងប្រមាណជាង១០០គីឡូម៉ែត្រ ក្រសួងសាធារណការកំពុងដំណើរការគម្រោង។
បន្ថែមលើពីនេះទៀត ផ្លូវដ៏វែងអន្លាយនេះនឹងអាចធ្វើឱ្យប្រសើរឡើង នៅតំបន់ភាគខាងលិច នៃបណ្ដាញផ្លូវនៃប្រទេសកម្ពុជា។ ក្នុងនោះមានសារៈសំខាន់បំផុត ក្នុងការជួយដល់ប្រជាជនក្នុងតំបន់ឱ្យមានជីវភាពខ្ពស់ បង្កើនល្បឿននៃការអភិវឌ្ឍវិស័យ ទេសចរណ៍ និងការកែលម្អកម្រិតការដឹកជញ្ជូនក្នុងខេត្តពោធិសាត់ឲ្យកាន់តែប្រសើរឡើងថែមទៀត។
ប្រសិនបើបញ្ចប់គម្រោងនេះ នោះប្រជាពលរដ្ឋនៅតាមបណ្ដាខេត្តមួយចំនួនដូចជា ខេត្តប៉ៃលិន ពោធិ៍សាត់ បន្ទាយមានជ័យ ឧត្តរមានជ័យ និងសៀមរាប អាចមានជម្រើសក្នុងការធ្វើដំណើរទៅខេត្តកោះកុង ឬទៅលេងឆ្នេរសមុទ្រនាទិសនិរតី ដោយមិនចាំបាច់ឆ្លងកាត់រាជធានីភ្នំពេញដូចមុនទៀតឡើយ៕
ចុចអាន៖ "ផ្លូវជាតិ" មានលក្ខណៈសម្គាល់អ្វីខ្លះ?