ឥណ្ឌា បាញ់សាកល្បងមីស៊ីល១ ដែលអាចទៅដល់ភាគខាងជើងបំផុតនៃប្រទេសចិន
- 2018-01-18 08:24:52
- ចំនួនមតិ 0 | ចំនួនចែករំលែក 0
ឥណ្ឌា បាញ់សាកល្បងមីស៊ីល១ ដែលអាចទៅដល់ភាគខាងជើងបំផុតនៃប្រទេសចិន
ចន្លោះមិនឃើញ
ប្រទេសឥណ្ឌា បានបាញ់សាកល្បងដោយជោគជ័យនូវមីស៊ីលបាលីស្ទីកអន្តរទ្វីប១ ឈ្មោះ Agni-V ចេញពីកោះ Abdul Kalam នៅព្រឹកថ្ងៃទី១៨ ខែមករា ឆ្នាំ២០១៨។ នេះបើតាមសារព័ត៌មានក្នុងស្រុកឥណ្ឌា ANI បានដកស្រង់សម្តីរបស់រដ្ឋមន្រ្តីការពារជាតិឥណ្ឌា លោក Nirmala Sitharaman។
មីស៊ីលដែលមានសមត្ថភាពអាចបំពាក់នុយក្លេអ៊ែរ១នេះ ត្រូវបានបាញ់សាកល្បងដល់ចម្ងាយជាង ៥ពាន់គីឡូម៉ែត្រ ពោលគឺអាចឈានទៅដល់ផ្នែកនៃភាគខាងជើងបំផុតរបស់ប្រទេសចិនទៀតផង។
ការសម្រេចជោគជ័យនេះ អាចនឹងធ្វើឲ្យឥណ្ឌា ក្លាយជាសមាជិក១នៃក្លឹបបណ្តាប្រទេសដែលមានមីស៊ីលបាលីស្ទីក រយៈចម្ងាយ ៥០០០ ទៅ ៥៥០០គីឡូម៉ែត្រ រួមជាមួយនិងអាមេរិក រុស្ស៊ី ចិន បារាំង និងអង់គ្លេសផងដែរ៕