ដំរី១ក្បាលឆ្លងដែនពីថៃ ជាន់ស្ត្រីខ្មែរម្នាក់របួសធ្ងន់នៅបាត់ដំបង

2018-01-18 10:04:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ត្រីម្នាក់ដែលជាកម្មករស៊ីឈ្នួលដកដំឡូង បានរងរបួសយ៉ាងធ្ងន់ធ្ងររហូតដល់បាក់ឆ្អឹងជំនីខាងឆ្វេងចំនួន ១០ក្រាស់ បន្ទាប់ពីមានសត្វដំរីព្រៃមួយក្បាលរត់មកជាន់ពីលើទាំងកម្រោល ខណៈកំពុងសម្រាកលង់លក់នៅក្នុងរោងកណ្ដាលចម្ការ។ នេះបើយោងតាមការចុះផ្សាររបស់អគ្គស្នងការដ្ឋាននគរបាលជាតិ។

រូបភាពពីអគ្គស្នងការដ្ឋាននគរបាលជាតិ

ហេតុការណ៍នេះ បានកើតឡើងនៅវេលាម៉ោង ២និង៣០នាទី រំលងអាធ្រាត្រឈានចូលថ្ងៃទី១៨ ខែមករា ឆ្នាំ២០១៧ ត្រង់ចំណុចភ្នំណាំសាប ស្ថិតនៅក្នុងភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង។

រូបភាពពីអគ្គស្នងការដ្ឋាននគរបាលជាតិ

អគ្គស្នងការដ្ឋាននគរបាលជាតិ បញ្ជាក់ឲ្យដឹងទៀតថា ដំរីដែលបង្កហេតុជាដំរីចុះប្រេង ដោយវាបានរត់ចេញពីខេត្តឆៈឈើងសៅ ប្រទេសថៃ ចូលមកទឹកដីកម្ពុជា កាលពីប៉ុន្មានថ្ងៃមុន។ ស្ត្រីជាជនរងគ្រោះ មានឈ្មោះ ចក់ គឹមហៃ អាយុ៣២ឆ្នាំ ស្នាក់នៅនិងស៊ីឈ្នួលកាប់ដំឡូង នៅត្រង់ចំណុចកើហេតុ។

រូបភាពពីអគ្គស្នងការដ្ឋាននគរបាលជាតិ

ទាក់ទងនឹងបញ្ហានេះ លោក សារ៉េត វិសេដ្ឋ អធិការរងនគរបាលស្រុកភ្នំព្រឹក បានលើកឡើងថា លោកបានរាយការណ៍ទៅអង្គភាពជំនាញហើយ ដើម្បីចុះពិនិត្យ ឬក៏ចាត់វិធានការដោយប្រើប្រាស់កាំភ្លើងសម្រាប់បាញ់ឲ្យសន្លប់។ បច្ចុប្បន្ន ដំរីមួយក្បាលនេះមិនទាន់ចាកចេញពីកម្ពុជាវិញទេ គឺកំពុងស្ថិតនៅចម្រុះភ្នំណាំសាប នៅឡើយ៕

អត្ថបទ៖ ឈាង.