រិន សារ័ត្ន ជឿជាក់ថាអាចសងសឹកឲ្យមិត្តរួមជាតិ ទោះខានវ៉ៃក្នុងទ្រុង MMA យូរឆ្នាំក៏ដោយ

2018-01-18 11:25:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះខ្លួនខានចូលវ៉ៃក្នុងទ្រុង MMA ដល់ទៅជាង ២ឆ្នាំ កីឡាករគុនខ្មែរ រិន សារ័ត្ន បានអះអាងថាខ្លះមានសង្ឃឹមឈ្នះ ៧០ភាគរយ ពេលប៉ះកីឡាករម្ចាស់ផ្ទះឥណ្ឌូណេស៊ី Sunoto ក្នុងព្រឹត្តិការណ៍ក្បាច់គុនចម្រុះ 'ONE: Kings of Courage' របស់ស្ថាប័ន ONE Championship នាថ្ងៃទី២០ ខែមករា នៅទីក្រុងហ្សាការតា ។

ក្នុងបទសម្ភាសន៍ជាមួយ ខ្លីៗ រិន សារ័ត្ន និយាយថា៖ "ខ្ញុំមានអារម្មណ៍សប្បាយចិត្តពេលមានឈ្មោះមកប្រកួតនៅហ្សាការតា តែខ្ញុំក៏បារម្ភដែរ ដោយសារម្ចាស់ផ្ទះ (Sunoto) ពូកែក្បាច់ក្លេ និងក្បាច់ជើងក្រោម។ ប៉ុន្តែខ្ញុំបានត្រៀមក្បាច់ដើម្បីទប់ទល់ ហើយខ្ញុំសង្ឃឹម ៧០% ថានឹងអាចឈ្នះ"។

រីន សារ័ត្ន ក្នុងបទសម្ភាសន៍ជាមួយអ្នកសារព័ត៌មាននៅទីក្រុងហ្សាការតា ថ្ងៃទី១៨ ខែមករានេះ

សារ័ត្ន បន្ថែមថា ហេតុផលដែលធ្វើឲ្យខ្លួនមានជំនឿចិត្តបែបនេះ គឺដោយសារតែគ្រូបង្ហាត់ បានប្រាប់ពីបច្ចេកទេស និងក្បាច់ជាច្រើនដើម្បីទប់ និងវ៉ៃសងទៅគូប្រកួតវិញ។ កីឡាករដែលធ្លាប់វាយក្នុងសង្វៀនក្បាច់គុនបុរាណខ្មែរជាង ១០០ដងរូបនេះ បានបញ្ជាក់ថា ក្នុងអំឡុងពេលដែលខ្លួនខានប្រកួតក្នុងទ្រុង MMA គឺខ្លួនបានហ្វឹកហាត់ និងវ៉ៃសមជាមួយមិត្តរួមក្រុម ជាពិសេសគឺនៅពេលដឹងដំណឹងថាបានប្រកួតនៅឥណ្ឌូណេស៊ី នាពេលនេះ។

Sunoto ថ្លែងក្នុងសន្និសីទសារព័ត៌មាន នៅទីក្រុងហ្សាការតា នាថ្ងៃទី១៨ ខែមករានេះ

គួរបញ្ជាក់ថា សារ័ត្ន បានចូលប្រកួតក្នុងស្ថាប័ន ONE Championship កាលពីចុងឆ្នាំ២០១៥ ដោយបានយកឈ្នះកីឡាករ Mission Ali ក្នុងទឹកទី១។ ក្រៅពីនេះ សារ័ត្ន ក៏ធ្លាប់វាយក្បាច់គុនចម្រុះនៅ MYTV ផងដែរ ដោយសារចំណាត់ថ្នាក់លេខ២ កាលពីឆ្នាំ២០១៤។ ចំណែកគូប្រកួតរបស់សារ័ត្ន គឺកីឡាករឥណ្ឌូណេស៊ី Sunoto វិញ ជាកីឡាករដែលធ្លាប់វាយក្នុងទ្រុង MMA ចំនួន ៩ដង ដោយឈ្នះ ៦ដង និងចាញ់ ៣ដង ដែល ៧ប្រកួតក្នុងចំណោមនោះ ជាការប្រកួតក្នុងស្ថាប័ន ONE Championship។ ប្រកួតចុងក្រោយរបស់កីឡាករនេះ គឺបានយកឈ្នះកីឡាករកម្ពុជា ចាន់ ហេង ក្នុងទឹកទី១ កាលពីខែមករា ឆ្នាំ២០១៧៕