ក្រសួងអប់រំ ចេញវិធានការ៣ចំណុច ពង្រឹងវិន័យបុគ្គលិកអប់រំ
- 2018-01-19 02:18:49
- ចំនួនមតិ 0 | ចំនួនចែករំលែក 0
ក្រសួងអប់រំ ចេញវិធានការ៣ចំណុច ពង្រឹងវិន័យបុគ្គលិកអប់រំ
ចន្លោះមិនឃើញ
កន្លងមក ក្រសួងអប់រំ យុវជន និងកីឡា បានពិនិត្យឃើញបុគ្គលិកអប់រំមួយចំនួននៅតាមគ្រឹះស្ថានសិក្សាសាធារណៈ មិនទាន់អនុវត្តពេលវេលាបំពេញការងារ និងគោរពម៉ោងបង្រៀនឲ្យបានពេញលេញនោះទេ។ ក្រសួងអប់រំ បានលើកឡើងថា នេះជាហេតុធ្វើឲ្យប៉ះពាល់ការអនុវត្តកម្មវិធីសិក្សា និងការសិក្សារបស់សិស្ស ថែមទាំងជះឥទ្ធិពលមិនល្អដល់អ្នកដែលខិតខំបំពេញការងារ និងសហគមន៍ផងដែរ។
ហេតុដូច្នោះហើយ ដើម្បីពង្រឹងវិន័យ និងការអនុវត្តកាតព្វកិច្ចរបស់បុគ្គលិកអប់រំឲ្យបានល្អប្រសើរ ក្រសួងអប់រំ បានដាក់ចេញនូវវិធានការចំនួន៣ ដូចជា៖
១. ពង្រឹងយន្តការគ្រប់គ្រងត្រួតពិនិត្យវត្តមានរបស់បុគ្គលិកអប់រំនៅគ្រប់គ្រឹះស្ថានសិក្សាសាធារណៈ
២. អនុវត្តវិន័យរដ្ឋបាល ឬវិន័យការងារចំពោះបុគ្គលិកអប់រំចូលយឺត ចេញមុនម៉ោងកំណត់ អនុវត្តកាតព្វកិច្ចដោយពុំមានស្មារតីទទួលខុសត្រូវ និងប្រគល់ភារកិច្ចឲ្យអ្នកដទៃធ្វើជំនួស ដោយខ្លួនឯងទៅបំពេញការងារក្រៅខុសបទបញ្ជា ឬយកការងារក្រៅអង្គភាពមកឡូកឡំក្នុងម៉ោងការងារ ឬអវត្តមានពុំមានមូលហេតុច្បាស់លាស់
៣. ពង្រឹងការស្លៀកពាក់ឲ្យបានសមរម្យ (ហាមមូរដៃអាវ) ក្នុងពេលបំពេញការងារ៕