Ronaldo ចេញឈាមស្រោចពេញមុខ ក្រោយរកគ្រាប់ទី៦ឲ្យ Real Madrid
- 2018-01-22 01:43:35
- ចំនួនមតិ 0 | ចំនួនចែករំលែក 0
Ronaldo ចេញឈាមស្រោចពេញមុខ ក្រោយរកគ្រាប់ទី៦ឲ្យ Real Madrid
ចន្លោះមិនឃើញ
ខ្សែប្រយុទ្ធ Cristiano Ronaldo បានទទួលរងរបួសបែកក្បាល បន្ទាប់ពីតែតបញ្ចូលគ្រាប់ទី៦ ឲ្យក្រុមអធិរាជស Real Madrid ដោយសារលោតតែតប៉ះទង្គិចជាមួយជើងខ្សែការពាររបស់ក្រុម Deportivo La Coruna កាលពីយប់មិញ។
Ronaldo ហក់តែតក្នុងស្ថានភាពដ៏គ្រោះថ្នាក់ ពីការលើករបស់ Lucas Vazques ដើម្បីរកគ្រាប់ទី២របស់ខ្លួនក្នុងការប្រកួតដែល Real Madrid យកឈ្នះ Deportivo La Coruna ដោយលទ្ធផល ៧-១។ គេសង្កេតឃើញ កីឡាករសញ្ជាតិព័រទុយហ្គាល់ បានយកទូរសព្ទរបស់គ្រូពេទ្យដើម្បីឆ្លុះមើលឈាមដែលបានស្រោមលើផ្ទៃមុខ។
ក្នុងការប្រកួតនេះ ក្រុមភ្ញៀវគឺជាអ្នករកគ្រាប់នាំមុខ នៅនាទី២៣ មុនម្ចាស់ផ្ទះ Real Madrid វាយបកយកបាន ៧គ្រាប់វិញដោយ Nacho (នាទី៣២ និង ៨៨), Gareth Bale (នាទី ៤២ និង ៥៨), Modric (នាទី ៦៨), Ronaldo (នាទី ៧៨ និង ៨៤)។
លទ្ធផលនេះ ធ្វើឲ្យ Real Madrid ឈរនៅលេខ៤ ដដែល ដោយមាន ៣៥ពិន្ទុ គិតត្រឹមប្រកួតទី១៩ (សល់១ប្រកួតក្នុងដៃ)។ ចំណែកឈរនៅលេខ១ គឺក្រុម Barcelona ដោយមាន ៥៤ពិន្ទុ គិតត្រឹមសប្ដាហ៍ទី២០៕