ក្រសួងព័ត៌មាន នឹងបញ្ជូនសេចក្ដីព្រាងច្បាប់ ស្ដីពីសិទ្ធិទទួលព័ត៌មានទៅគណៈរដ្ឋមន្ត្រី
- 2018-02-01 02:42:47
- ចំនួនមតិ 0 | ចំនួនចែករំលែក 0
ក្រសួងព័ត៌មាន នឹងបញ្ជូនសេចក្ដីព្រាងច្បាប់ ស្ដីពីសិទ្ធិទទួលព័ត៌មានទៅគណៈរដ្ឋមន្ត្រី
ចន្លោះមិនឃើញ
សេចក្ដីព្រាងច្បាប់ស្ដីពីសិទ្ធិទទួលព័ត៌មាន ត្រូវបានក្រសួងព័ត៌មាន បានប្រកាសបញ្ចប់ការតាក់តែងជាផ្លូវការហើយ កាលពីព្រឹកថ្ងៃទី៣១ ខែមករា ឆ្នាំ២០១៨។ ក្រសួងគ្រោងនឹងបញ្ជូនសេចក្តីព្រាងច្បាប់ ដែលមាន ៩ជំពូក និង៣៨មាត្រានេះ ទៅកាន់ទីស្តីការគណៈរដ្ឋមន្ត្រី នាសប្តាហ៍ក្រោយ ដើម្បីប្រជុំអន្តរក្រសួង-ពិនិត្យ ។ នេះបើតាមការបញ្ជាក់របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅក្នុងកិច្ចប្រជុំ១ នៅសណ្ឋាគារភ្នំពេញ កាលពីព្រឹកថ្ងៃទី៣១ ខែមករា ឆ្នាំ២០១៨។
សេចក្តីព្រាងច្បាប់នេះ គឺតម្រូវឲ្យគ្រប់ស្ថាប័នសាធារណៈត្រូវបង្កលក្ខណៈងាយស្រួល ព្រមទាំងបើកទូលាយក្នុងការផ្ដល់ព័ត៌មានគ្រប់ប្រភេទដល់សាធារណជនតាមការស្នើសុំ ដោយគ្មានការរើសអើងតាមបែបបទដែលងាយយល់ក្នុងពេលវេលា និងតម្លៃសមស្រប លើកលែងតែព័ត៌មានសម្ងាត់ ដែលស្ថិតក្នុងបទប្បញ្ញត្តិ ហាមឃាត់។
លោក ខៀវ កាញារីទ្ធ ក៏បានបញ្ជាក់ថា ក្នុងសេចក្តីព្រាងច្បាប់ចុងក្រោយនេះ ក្រុមការងារបច្ចេកទេស បានសម្រេចលុបចោលមួយមាត្រាចេញ ដែលចម្រូងចម្រាស់ គឺត្រង់មាត្រា ៣០ ដែលបានចែងថា “អំពើញុះញង់ដោយផ្ទាល់ ឲ្យប្រព្រឹត្តអំពើឆាឆៅ រំខាន រារាំងការបំពេញការងាររបស់ស្ថាប័នសាធារណៈ ត្រូវបានផ្តន្ទាទោសតាមមាត្រា៥០៥ នៃក្រមព្រហ្មទណ្ឌនៃព្រះរាជាណាចក្រកម្ពុជា”៕