កម្ពុជា ប្ដេជ្ញាយកមេដាយមាសស៊ីហ្គេម២០២៣ ឲ្យបាន ៩៦គ្រឿង ក្នុងនាមជាម្ចាស់ផ្ទះ

2018-02-03 08:29:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ថោង ខុន ដែលត្រូវបានជ្រើសរើសជាប្រធាន គណៈកម្មាធិការជាតិអូឡាំពិកកម្ពុជា (NOCC) អាណត្តិថ្មី ២០១៨-២០២២ បានបង្ហាញសុទិដ្ឋិនិយមថា កម្ពុជានឹងធ្វើយ៉ាងណា ដណ្ដើមមេដាយមាសឲ្យបាន ៩៦គ្រឿង នៅក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលខ្លួនត្រូវធ្វើជាម្ចាស់ផ្ទះរៀបចំ ទទួលបណ្ដាប្រទេសនានាក្នុងតំបន់។

ការអះអាងនេះ ធ្វើឡើងក្នុងមហាសន្និបាតបញ្ចប់អាណត្តិទី៦ និងបន្តអាណត្តិទី៧ នៅថ្ងៃទី១ ខែកុម្ភៈ នាពហុកីឡដ្ឋានមរតកតេជោ។

លោក ថោង ខុន

ក្នុងចំណោម ៩៦មេដាយមាសនោះ គឺកម្ពុជា បានកំណត់យក ៩ប្រភេទកីឡាជាអាទិភាព ដើម្បីដណ្ដើមមេដាយមាស ដោយចែកជា ៤ ផ្សេងគ្នាគឺ៖

ទី១-គឺប្រភេទកីឡាអត្តពលកម្ម ដែល ជាប្រភេទកីឡាអាទិភាពអាចដណ្តើមបានសរុប ៤៦ គ្រឿង (៤៦ វិញ្ញាសា)។

ទី២-កីឡាហែលទឹក ស្រដៀង នឹងកីឡាអត្តពលកម្មដែរ ដោយកីឡានេះ កម្ពុជាអាចដណ្ដើមបានសរុប ៣៨ គ្រឿង។

ទី៣-កីឡាគុន មានគុនខ្មែរ គុនល្បុក្កតោ និងកីឡាអុកចត្រង្គ ដែលកម្ពុជាចាំបាច់ត្រូវដាក់ក្នុងវិញ្ញាសា កីឡា ស៊ីហ្គេម ដើម្បីបង្ហាញពីប្រភេទកីឡា អត្តសញ្ញាណរបស់ជាតិ។

ទី៤-កីឡាជាក្រុមរួមមាន កីឡាបាល់ទាត់ បាល់ទះ និងបាល់បោះ ដែលជាប្រភេទកីឡាមានប្រជាប្រិយ ភាពខ្ពស់៕

ទន្ទឹមនេះ លោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិក បានបន្តថា ប្រភេទកីឡាដែលមានមេដាយមាសច្រើនគឺ កីឡាហែលទឹក និងកីឡាអត្តពលកម្ម ដែលមានចំនួនមេដាយជិត ១០០ គ្រឿងឯណោះ។ ដូច្នេះ NOCC គ្រោងយកឲ្យបានយ៉ាងតិចពី ៤ ទៅ ៥ គ្រឿង។

លោក វ៉ាត់ ចំរើន

ប្រធានគណៈកម្មាធិការជាតិអូឡាំពិកកម្ពុជា បានមើលឃើញនូវបញ្ហាប្រឈមមួយចំនួន ដើម្បីដោះស្រាយឲ្យទាន់ពេលវេលា ដើម្បីរៀបចំ និងបណ្ដុះបណ្ដាលថ្នាលកីឡាករ កីឡាការិនីឲ្យបានគ្រប់គ្រាន់ ដើម្បីសម្រួចគោលដៅ ទៅទទួលជោគជ័យកីឡាស៊ីហ្គេម នាឆ្នាំ២០២៣៕

ប្រភព៖ AKP ប្រែសម្រួល៖ លាភ.