មេ Tesla ប្រើពេលត្រឹម៦ឆ្នាំ រំកិលខ្លួនយ៉ាងលឿនក្នុងចំណាត់ថ្នាក់មហាសេដ្ឋីលើលោក

2018-02-07 08:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Elon Musk មេរបស់ក្រុមហ៊ុន Tesla និង SpaceX ត្រូវបានចាត់ទុកជាមហាសេដ្ឋីដែលអាចរកចំណូលបានច្រើននៅលើពិភពលោក ដោយប្រើប្រាស់រយៈពេលត្រឹមតែ៦ឆ្នាំប៉ុណ្ណោះ បន្ទាប់ពីរូបលោកត្រូវបានដាក់បញ្ចូលទៅក្នុងបញ្ជីមហាសេដ្ឋីរបស់វេបសាយ Forbes ។

ក្នុងវ័យ ៤៦ឆ្នាំ លោក Elon Musk ស្ថិតនៅចំណាត់ថ្នាក់ទី៥៤ នៃបញ្ជីមហាសេដ្ឋីពិភពលោក ដោយមានទ្រព្យសម្បត្តិប្រហែល ២០,៨ ពាន់លានដុល្លារអាមេរិក គិតមកទល់ឆ្នាំ២០១៨នេះ។ បុរសដែលមានដើមកំណើតនៅប្រទេសអាហ្វ្រិកខាងត្បូងរូបនេះ ត្រូវបានចាត់ទុកជាមហាសេដ្ឋី កាលពីឆ្នាំ២០១២ នៅពេលដែលលោកមានទ្រព្យសម្បត្តិត្រឹមតែ ២ពាន់លានដុល្លារប៉ុណ្ណោះ។

Musk បានសិក្សានៅសាកលវិទ្យាល័យ ប្រទេសកាណាដា កាលពីឆ្នាំ១៩៨៩ រួចបន្តសិក្សានៅអាមេរិក ក្នុងឆ្នាំ១៩៩២។ លោកចាប់ផ្ដើមក្នុងឧស្សាហកម្មបច្ចេកវិទ្យា ដោយបង្កើត Software មួយឈ្មោះ Zip2 ។ ក្រោយមកលោកបានលក់វាទៅឲ្យក្រុមហ៊ុន Compaq នៅក្នុងឆ្នាំ១៩៩៩ ក្នុងទឹកប្រាក់ ៣០៧ លានដុល្លារ ពេលលោកមានអាយុ ២៧ឆ្នាំ។ ក្នុងឆ្នាំដដែល លោកបានបង្កើតវេបសាយ X.com ដែលក្រោយមកត្រូវប្ដូរឈ្មោះជា PayPal ។ PayPal ត្រូវបានទិញដោយ eBay ក្នុងតម្លៃ ១,៥ពាន់លានដុល្លារ ក្នុងឆ្នាំ២០០២។

បន្ទាប់មក លោកបានបង្កើតក្រុមហ៊ុន SpaceX ឡើង ដែលជាទីភ្នាក់ងារអវកាសឯកជន និងបានរួមចំណែកជាមួយរដ្ឋាភិបាលអាមេរិក ក្នុងវិស័យអវកាស។ គោលដៅរបស់លោក គឺការបញ្ជូនមនុស្សទៅកាន់ភពអង្គារ នៅពេលអនាគត។

Musk បានរួមចំណែកក្នុងការកសាងក្រុមហ៊ុនថ្មីមួយទៀតគឺ Tesla Motors កាលពីឆ្នាំ២០០៣។ ក្រោយវិបត្តិហិរញ្ញវត្ថុកាលពីឆ្នាំ២០០៨ លោកក៏បានឡើងជា នាយកប្រតិបត្តិ តែម្ដង។

គម្រោងផ្សេងៗទៀតរបស់ Musk មានដូចជា ទីក្រុងថាមពលព្រះអាទិត្យ (SolarCity), Hyperloop (រថភ្លើងក្រោមដី ដែលមានល្បឿន ៨០០គ.ម/ម ពីទីក្រុងឡុងដ៍ ប្រទេសអង់គ្លេស ទៅកាន់ក្រុង Edinburgh នៅស្កុតឡែន ប្រើពេល ១ម៉ោងកន្លះ) និង OpenAI (ក្រុមហ៊ុនអភិវឌ្ឍន៍បច្ចេកវិទ្យា AI)៕

ប្រភព៖ Mirror ប្រែសម្រួល៖ លាភ.