ក្រុមហ៊ុនអាមេរិក លាតត្រដាងវីដេអូ ដែលរថយន្តត្រូវបញ្ជូនទៅដល់ទីអវកាស

2018-02-08 04:51:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថយន្តដ៏ទំនើបរបស់លោក Elon Musk មេរបស់ទីភ្នាក់ងារអវកាស SpaceX ត្រូវបានបញ្ជូនចូលទៅក្នុងគន្លងផែនដីហើយ កាលពីម្សិលមិញ បន្ទាប់ពីបំពាក់នៅក្នុងគ្រាប់រុកកែត Falcon Heavy ដែលត្រូវបានបាញ់បង្ហោះចេញពីរដ្ឋផ្លរីដា សហរដ្ឋអាមេរិក។ ក្នុងបេសកកម្មនេះ ក្រុមហ៊ុនដដែល ក៏បានបញ្ចេញនូវវីដេអូ ដែលបង្ហាញភាពទិដ្ឋភាពដ៏ស្រស់ស្អាត ពេលរថយន្តឡើងទៅដល់គន្លងផែនដីផងដែរ។

រថយន្តម៉ាក Tesla roadster ពណ៌ក្រហមនេះ មានផ្ទុកមនុស្សម៉ារ៉ាកាំង ដែលគេឲ្យឈ្មោះថា "Starman”។ ក្រោយពេលឡើងទៅដល់គន្លងផែនដី រថយន្តដដែល បានហោះជុំវិញផែនដីក្នុងល្បឿន ៣៩៤០០ គ.ម/ម។

គោលដៅបន្ទាប់ គឺ រថយន្តនេះនឹងត្រូវហោះឆ្ពោះទៅកាន់ភពអង្គារ នៅលើចម្ងាយផ្លូវប្រហែល ៤០០លានគ.ម ៤០០លាន តាមរយៈយានអវកាសមួយគ្រឿង។ ក៏ប៉ុន្តែ រថយន្តរបស់លោក Musk នេះប្រហែលជាមិនអាចរក្សារូបរាងដើមបានរហូតទៅដល់គោលដៅនោះទេ ព្រោះផ្នែកខ្លះរបស់វានឹងត្រូវដាច់ជាបំណែកៗ ដោយសារទទួលឥទ្ធិពលនៃសារធាតុវិទ្យុសកម្ម ពេលកំពុងធ្វើដំណើរ។ ក្នុងនោះ កៅអីដែលធ្វើពីស្បែក និងជ័រ នឹងត្រូវខូចខាតមុនគេ នៅត្រឹមឆ្នាំក្រោយ។

យោងតាមការអះអាងរបស់លោក Musk យានអវកាសត្រូវការរយៈពេលធ្វើដំណើរប្រហែល ១ឆ្នាំ ទើបទៅដល់ភពអង្គារ ហើយវាមិនចុះចតឡើយ ពោលគឺ វាត្រូវគេទុកចោលឲ្យហោះវិលវល់ជុំវិញគន្លងភពពណ៌ក្រហមមួយនេះជារៀងរហូត៕