ផ្លូវភ្ជាប់ពីក្រុងពោធិ៍សាត់ ទៅព្រំដែនថៃ សាងសង់ជិតរួចទាំងស្រុងហើយ

2018-02-13 07:13:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្លូវជាតិលេខ ៥៥ តភ្ជាប់ពីផ្លូវជាតិលេខ ៥ ទៅកាន់ព្រំដែនកម្ពុជា-ថៃ បានសម្រេចការសាងសង់បាន ៩០ភាគរយហើយ។ នេះបើតាមការបញ្ជាក់របស់សាលាខេត្តពោធិ៍សាត់។

ទំព័រហ្វេសប៊ុកផ្លូវការរបស់សាលាខេត្តពោធិ៍សាត់ បានបញ្ជាក់ថា ផ្លូវជាតិនេះ ជាផ្លូវយុទ្ធសាស្រ្ដ សម្រាប់បម្រើទាំងវិស័យការពារជាតិតំបន់ខ្សែក្រវាត់ព្រំដែន កម្ពុជា-ថៃ និងការអភិវឌ្ឍសេដ្ឋកិច្ច ជាពិសេសការដឹកជញ្ជូនទំនិញរវាងប្រទេសកម្ពុជា និងថៃ។

ផ្លូវជាតិលេខ ៥៥ មានប្រវែង ១៨២,១៦គីឡូម៉ែត្រ តភ្ជាប់ពីផ្លូវជាតិលេខ ៥ ត្រង់ចំណុចបូជណីយដ្ឋានអ្នកតាឃ្លាំងមឿង ក្នុងក្រុងពោធិ៍សាត់ ឆ្ពោះទៅកាន់ព្រំដែនកម្ពុជា-ថៃ ឃុំថ្មដា ស្រុកវាលវែង។ ផ្លូវនេះ ត្រូវបានសម្តេចហ៊ុន សែន នាយករដ្ឋមន្រ្តីនៃកម្ពុជា អញ្ជើញបើកការដ្ឋានសាងសង់កាលពីថ្ងៃទី៤ ខែឧសភា ឆ្នាំ២០១៥៕