អាមេរិកបាត់បង់ឱកាសជួបប្រជុំជាមួយកូរ៉េខាងជើង នានាទីចុងក្រោយ

2018-02-21 02:12:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កិច្ចប្រជុំរវាងលោក Mike Pence អនុប្រធានាធិបតីអាមេរិក និងមន្ត្រីកូរ៉េខាងជើង ត្រូវបានលុបចោលវិញភ្លាមៗ ប្រមាណជា ២ម៉ោង មុននឹងការចាប់ផ្ដើម។ នេះបើយោងតាមការបង្ហើបឲ្យដឹងពីលោក Nick Ayers ជំនួយការរបស់លោក Mike Pence កាលពីថ្ងៃទី២០ ខែកុម្ភៈ ឆ្នាំ២០១៨។

លោក Ayers បានរៀបរាប់ថា កូរ៉េខាងជើងបានស្នើឲ្យមានកិច្ចប្រជុំនេះ ក្នុងក្ដីសង្ឃឹមថា លោកអនុប្រធានាធិបតីនឹងបន្ទន់ឥរិយាបថខ្លះចំពោះខ្លួន តែលោក Pence បែរជាមិនទន់ចិត្ត ហើយគ្រោងនឹងដាក់ទណ្ឌកម្មសេដ្ឋកិច្ចបន្ថែមទៀតទៅលើប្រទេសផ្ដាច់ការមួយនេះទៅវិញ។ លោក Ayers បន្តថា ហេតុដូច្នេះហើយទើបកូរ៉េខាងជើងសម្រេចលុបចោលការប្រជុំនេះវិញដោយតក់ក្រហល់។

ដើមឡើយ អនុប្រធានាធិបតីអាមេរិក នឹងត្រូវជួបប្រជុំជាមួយប្អូនស្រីរបស់មេដឹកនាំកូរ៉េខាងជើងគឺអ្នកស្រី Kim Yo Jong និងលោក Kim Yong Nam ដែលជាប្រមុខរដ្ឋ នាថ្ងៃទី១០ ខែកុម្ភៈ ឆ្នាំ២០១៨។ ប៉ុន្តែដោយមិនដឹងមូលហេតុច្បាស់ ភាគីកូរ៉េខាងជើងបានលុបចោលការប្រជុំវិញ ត្រឹម២ម៉ោង មុននឹងចាប់ផ្ដើម៕

ប្រភព៖ Reuters ប្រែសម្រួល៖ ឈាង.