សម្តេច ហ៊ុន សែន ថាអាស៊ានបើគ្មានសម្តេចទេ ក៏មិនមែនមានន័យថាអាស៊ាននោះដែរ

2018-02-21 03:23:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បាននិយាយថា អាស៊ានបើគ្មានសម្តេចទេ ក៏មិនមែនមានន័យថាអាស៊ាននោះដែរ ព្រោះសម្តេច អាចជំទាស់មិនឲ្យចេញសេចក្តីថ្លែងការណ៍ណាមួយរវាងអាស៊ាន-អូស្ត្រាលីបាន។ ការថ្លែងបញ្ជាក់នេះ ធ្វើឡើងក្នុងពិធីសំណេះសំណាលជាមួយកម្មករជាង ១ម៉ឺននាក់ នៅតំបន់វត្តទឹកថ្លា រាជធានីភ្នំពេញ នៅព្រឹកថ្ងៃទី២១ ខែកុម្ភៈ ឆ្នាំ២០១៨។

ការលើកឡើងខាងលើនេះ គឺបន្ទាប់ពីសម្តេច ហ៊ុន សែន ទទួលបានព័ត៌មានពីផេកហ្វេស៊ុក ឈ្មោះសីហា ដែលបានស្តាប់លឺក្រុម១ (សម្តេចហៅថា ក្រុមឧទ្ទាម) បាននិយាយថា អាស៊ាន និងអូស្ត្រាលី នឹងគាបសង្កត់មកលើកម្ពុជា និងសម្តេចផ្ទាល់ នៅក្នុងកិច្ចប្រជុំអាស៊ាន-អូស្ត្រាលី នៅក្រុងស៊ីដនីនាពេលខាងមុខនេះ។

សម្តេច ហ៊ុន សែន ថ្លែងក្នុងពិធីជួបសំណេះសំណាលជាមួយកម្មករនាពេលកន្លងមក

សម្តេច ហ៊ុន សែន បានអះអាងថា អូស្ត្រាលី មិនដាក់សម្ពាធមកលើកម្ពុជាបានទេ ដោយកម្ពុជាតែ១ អាចធ្វើឲ្យគាំងដល់ការចេញសេចក្តីថ្លែងការណ៍ អាស៊ាន-អូស្រ្តាលី ព្រោះការសម្រេចរបស់អាស៊ាន ផ្អែកទៅលើគោលការណ៍កុងសុងស៊ីស។

«រឿងអីដែលកម្ពុជា (សម្តេច ហ៊ុន សែន) ត្រូវហោះទៅឲ្យគេស្តីឲ្យ នៅអូស្ត្រាលី។ រឿងនេះ អូស្ត្រាលី គួរតែអរគុណកម្ពុជាវិញទេ ដែលមក lobby កម្ពុជាឲ្យគាំទ្រការធ្វើកិច្ចប្រជុំខួបទំនាក់ទំនងអាស៊ាន និងអូស្ត្រាលី»។ នេះជាប្រសាសន៍របស់សម្តេចនាយករដ្ឋមន្រ្តី៕

អត្ថបទ៖ សំភី