កូរ៉េ ស្នើសុំកម្ពុជា ឲ្យជួយគាំទ្រគោលនយោបាយតំបន់អាស៊ីខាងត្បូងរបស់ខ្លួន

2018-02-21 07:22:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក អូ ណាក់យ៉ុង (Oh Nak-Young ) ឯកអគ្គរដ្ឋទូតនៃសាធារណរដ្ឋកូរ៉េ ទើបតែងតំាងថ្មីប្រចំានៅកម្ពុជា បានស្នើសុំសម្តេច ហេង សំរិន ប្រធានរដ្ឋសភា ឲ្យជួយគំាទ្រ និងជំរុញគោលនយោបាយថ្មីរបស់រដ្ឋាភិបាលកូរ៉េ ចំពោះតំបន់អាស៊ីខាងត្បូង។ ការស្នើនេះ បានធ្វើឡើងនៅក្នុងជំនួបពិភាក្សាគ្នា១ នៅព្រឹកថ្ងៃទី២១ ខែកុម្ភៈ ឆ្នាំ២០១៨ នៅវិមានរដ្ឋសភា។

លោក អូ ណាក់យ៉ុង បានជម្រាបជូនសម្តេច ហេង សំរិន ថា ប្រធានាធិបតីសាធារណរដ្ឋកូរ៉េ លោក មូន ចែអ៊ីន បានដាក់ចេញនូវគោលនយោបាយកិច្ចសហប្រតិបត្តិការអាស៊ីខាងត្បូង ដែលសំដៅដល់កិច្ចសហប្រតិបត្តិការរវាងកូរ៉េ ជាមួយបណ្តាប្រទេសអាស៊ី-អាគ្នេយ៍។ កិច្ចសហប្រតិបត្តិការនេះ មិនសំដៅត្រឹមតែជាការរឹតចំណងការទូតនោះទេ តែសំដៅដល់កិច្ចសហប្រតិបត្តិការរវាងប្រជាជន និងប្រជាជនថែមទៀត។

សម្តេច ហេង សំរិន បានបញ្ជាក់ថា សាធារណរដ្ឋកូរ៉េ បាននឹងកំពុងដើរតួយ៉ាងសំខាន់ក្នុងការចូលរួមអភិវឌ្ឍប្រទេសកម្ពុជា តាមរយៈការផ្តល់ជំនួយឥតសំណង កម្ចីឥណទានសម្បទាន ក្នុងគម្រោងនានាជាច្រើន។

ក្រៅពីនេះ សាធារណរដ្ឋកូរ៉េ ក៏ជាទីផ្សារការងារដ៏ធំ សម្រាប់ពលករកម្ពុជា។ សម្តេច ហេង សំរិន ក៏បានស្នើឲ្យភាគីកូរ៉ ទទួលយកពលករកម្ពុជាកាន់តែច្រើនថែមទៀតផងដែរ។

លោក អូ ណាក់យ៉ុង បានសន្យាថា នឹងខិតខំអនុវត្តតាមសំណើរបស់សម្តេច។ លោកបន្ថែមថា អ្វីដែលសម្តេចបានស្នើឡើងគឺសុទ្ធសឹងស្ថិតនៅក្នុងក្របខណ្ឌគោលនយោបាយអាស៊ីខាងត្បូងរបស់កូរ៉េ៕

អត្ថបទ៖ សោភា