ល្ខោនអូប៉េរ៉ាបុរាណ ៦ប្រទេសនឹងសម្ដែងរួមគ្នានៅរាជធានីភ្នំពេញឆាប់ៗនេះ

2018-02-21 09:31:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទស្សនីយភាពកម្រ និងពិសេសមិនធ្លាប់មាននៅកម្ពុជា នឹងមានវត្តមាននៅសាលសន្និសីទចតុមុខ រាជធានីភ្នំពេញ នៅដើមខែមីនាខាងមុខ ដែលមានការចូលរួមពីសិល្បករ សិល្បការិនី ៦ប្រទេសសម្ដែងរួមគ្នា។

ទស្សនីយភាពនេះ មានឈ្មោះថា "ល្ខោនអូប៉េរ៉ាបុរាណ"។ ល្ខោននេះ គឺជាការច្របាច់បញ្ចូលគ្នារវាងវង់តន្ត្រីបុរាណខ្មែរ-អឺរ៉ុប និងមានអ្នកចម្រៀងអូប៉េរ៉ា ក្រុមរាំ សម្ដែងរួមគ្នា។

រូបភាព៖ Mozart at Angkor

ការសម្ដែងនៅថ្ងៃទី១០ ខែមីនា ខាងមុខនេះ មានការចូលរួមពីសិល្បករ សិល្បការនីអូប៉េរ៉ា មកពី ៥ប្រទេស រួមមាន ចិន ម៉ាឡេស៊ី កូរ៉េខាងត្បូង ថៃ វៀតណាម និងកម្ពុជា ប្រមាណ ២៥នាក់ ដោយដឹកនាំដោយ Mozart at Angkor។

ការសម្ដែងល្ខោនអូប៉េរ៉ានៅសាលសន្និសីទចតុមុខ នឹងប្រព្រឹត្តទៅចាប់ពីម៉ោង ៧: ៣០ល្ងាចតទៅ។ ល្ខោនអូប៉េរ៉ា ក៏គ្រោងនឹងរៀបចំការសម្ដែងឆាកខ្នាតធំនៅលើទឹកដីអង្គរ ខេត្តសៀមរាប នៅក្នុងឆ្នាំ ២០១៩ខាងមុខ ផងដែរ៕