គ្រូ Sevilla និយាយលេងសើចថា នឹងធ្វើស៊ី Sanchez ពេលប៉ះ Man Utd

2018-02-21 12:44:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Vincenzo Montella គ្រូបង្វឹកក្រុម Sevilla បានប្រើពាក្យសម្ដីបែបលេងសើចនៅក្នុងសន្និសីទសារព័តមានថ្មីៗកន្លងទៅថា កូនក្រុមរបស់លោកត្រូវរកវិធីសាស្ត្រយ៉ាងណាដើម្បីធ្វើស៊ី Alexis Sanchez ក្នុងការប្រកួតជើងទី១ វគ្គ ១៦ក្រុមចុងក្រោយ ពានរង្វាន់ UEFA Champions League យប់នេះ។

Alexis Sanchez

ការអះអាងរបស់លោក Montella គឺស្របពេលដែល Sevilla រំពឹងថា នឹងអាចទម្លាក់ក្រុមបិសាចក្រហម Manchester United នៅវគ្គ១៦ក្រុម ដើម្បីឡើងទៅវគ្គ ៨ក្រុមចុងក្រោយជាលើកទី៤ របស់ប្រវត្តិសាស្ត្ររបស់ក្លឹប។

គ្រូបង្វឹកដដែល បាននិយាយពីអតីតកីឡាកររបស់ Udinese, Barcelona និង Arsenal ថា៖ «ខ្ញុំស្គាល់គេ (Sanchez) ច្បាស់ណាស់ តាំងពីគេលេងនៅអ៊ីតាលីម្ល៉េះ។ គេមានការវិវឌ្ឍខ្លួនច្រើន ក្នុងអាជីពរបស់គេ ហើយគេជាកីឡាករដ៏ល្អម្នាក់ដែលអាចលេងបានច្រើនតំបន់។ ខ្ញុំគិតថាពួកគេវាយបកបានរហ័ស។ ដូច្នេះ ប្រហែលជាពួកយើងត្រូវធ្វើស៊ីគេ ឬ ធ្វើយ៉ាងណាឲ្យគេដួល»។

លោក Vincenzo Montella

សូមបញ្ជាក់ថា Sevilla នឹងទទួលស្វាគមន៍ Man Utd នៅទឹកដីរបស់ខ្លួន វេលាម៉ោង ២:៤៥ នាទីរំលងអាធ្រាត្រ ឈានចូលថ្ងៃទី២២ ខែកុម្ភៈ ឆ្នាំ២០១៨។ នេះគឺជាការជួបគ្នាដំបូងរបស់ក្លឹបទាំងពីរនៅពានរង្វាន់ផ្លូវការ ពិសេសគឺពាន Champions League ។ ក្រុមទាំងពីរធ្លាប់ប៉ះគ្នាក្នុងជំនួបមិត្តភាពលើកចុងក្រោយកាលពីឆ្នាំ២០១៣ ដោយ Sevilla បានយកឈ្នះ Manchester United ក្នុងលទ្ធផល ៣-១៕

ប្រភព៖ ESPN FC ប្រែសម្រួល៖ លាភ.