De Gea ជួយ Man Utd ឲ្យ​មាន​ទឹកមាត់​លេប នៅជើងទី២​ពេលជួប​ Sevilla

  • 2018-02-21 23:29:03
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អ្នកចាំទី David de Gea បាន​បង្ហាញ​ការ​ចាប់​បាល់​បាន​យ៉ាងល្អ នៅ​ក្នុង​ការ​ប្រកួត​ក្រៅ​ទឹកដី​របស់​ក្រុម​បិសាច​ក្រហម​ Manchester United ទល់​នឹង​ក្រុម​ម្ចាស់ផ្ទះ Sevilla នៅ​ជើង​ទី១ វគ្គ ១៦ក្រុម​ចុងក្រោយ ពាន​រង្វាន់ UEFA Champions League ដែល​បញ្ចប់​ទៅ​ដោយ​លទ្ធផល ០-០ កាលពី​យប់មិញ​។

De Gea បាន​ជួយ​សង្គ្រោះ​យ៉ាង​ល្អ​ចំនួន ២លើក ពី​ការ​ព្យាយាម​រក​គ្រាប់បាល់​របស់ Steven N'Zonzi និង Luis Muriel នៅ​ចុង​វគ្គ​ទីមួយ នៅ​កីឡដ្ឋាន Ramon Sanchez Pizjuan ដើម្បី​ផ្ដល់​ក្ដី​សង្ឃឹម​នៅ​ជើងទីពីរ ដែល​នឹង​ត្រូវ​ធ្វើឡើង​នៅ​កីឡដ្ឋាន Old Trafford របស់​ក្រុម​បិសាច​ក្រហម​វិញ។

ក្នុង​ការ​ប្រកួត​នេះ Sevilla សម្រុក Man Utd យ៉ាង​ខ្លាំង ដោយ​គ្រប់គ្រង​បាល់​បាន ៥៤% ទល់នឹង ៤៦% និង​ស៊ុត​បាន ២៥​ជើង ចំ​គោល​ដៅ​៨ជើង ទល់​នឹង ៦ជើង ចំ​គោលដៅ​១ជើង។ Man Utd បាន​ប្រើប្រាស់​កីឡាករ​ល្អៗ​របស់​ខ្លួន ដូចជា Alexis Sanchez, Romelu Lukaku និង Juan Mata ក្នុង​តំបន់​ប្រយុទ្ធ​។

ការ​ប្រកួត​ជើងទីពីរ នឹង​ធ្វើឡើង​នៅ​ថ្ងៃ​ទី១៤ ខែ​មីនា ឆ្នាំ​២០១៨។

ចំណែក​មួយ​គូ​ទៀត​ដែល​ប្រកួត​នៅ​ម៉ោង​ដំណាល​គ្នា គឺ​ក្រុម Shakhtar Donetsk បាន​យក​ឈ្នះ​ក្រុម AS Roma ដោយ​លទ្ធផល ២-១​៕

ប្រភព៖ Channelnewsasia ប្រែ​សម្រួល៖ លាភ.

អត្ថបទថ្មី
;