រឿងឧបនាយករដ្ឋមន្ត្រីថៃ ពាក់នាឡិកាថ្លៃ ដំណើរការដល់ណាហើយ?
- 2018-02-22 01:02:02
- ចំនួនមតិ 0 | ចំនួនចែករំលែក 0
រឿងឧបនាយករដ្ឋមន្ត្រីថៃ ពាក់នាឡិកាថ្លៃ ដំណើរការដល់ណាហើយ?
ចន្លោះមិនឃើញ
អង្គភាពប្រឆាំងអំពើពុករលួយថៃ កាលពីថ្ងៃទី២១ ខែកុម្ភៈ ឆ្នាំ២០១៨ បានស្នើឲ្យលោក Prawit Wongsuwon ឧបនាយករដ្ឋមន្ត្រីថៃ ផ្ដល់នូវការបញ្ជាក់លម្អិត អំពីនាឡិកាតម្លៃថ្លៃរបស់លោក ចំនួន ២៥គ្រឿង ដែលត្រូវបានគេបង្ហោះចែកចាយនៅលើបណ្ដាញសង្គម។
លោក Prawit នឹងត្រូវជូនព័ត៌មានអំពីម៉ាក និងតម្លៃនាឡិកា ព្រមទាំងកាលបរិច្ឆេទ ដែលលោកពាក់នាឡិកាទាំងនោះ ក្នុងរយៈពេល ១៥ថ្ងៃ។ នេះជាការអះអាងរបស់លោក Watcharapol Prasarnrajkit ប្រធានអង្គភាពប្រឆាំងអំពើពុករលួយថៃ។ លោកបន្ថែមថា ករណីនេះ នឹងត្រូវបានដឹងច្បាស់នៅខែក្រោយ។
គួរបញ្ជាក់ថា នាឡិកាតម្លៃថ្លៃ របស់លោកឧបនាយករដ្ឋមន្ត្រី Prawit មិនស្ថិតក្នុងចំណោមទ្រព្យសម្បត្តិដែលត្រូវបានប្រកាសនោះទេ។ ហើយលោកបានអះអាងថា លោកគ្រាន់តែខ្ចីនាឡិកាទាំងនោះពីមិត្តភ័ក្ដិរបស់លោកប៉ុណ្ណោះ។ ចំណែក សារព័ត៌មានបានចុះផ្សាយថា លោកមាននាឡិកាម៉ាក Richard Mille មួយគ្រឿង ដែលមានតម្លៃជិត ៨ម៉ឺនដុល្លារ៕