Ronaldo មិនព្រមស៊ុតបាល់ប៉េណាល់ទីយកហេតទ្រីក ពេលប៉ះ Alaves យប់មិញ

2018-02-25 02:00:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមម្ចាស់ផ្ទះអធិរាជស Real Madrid បានបំបាក់ក្រុមភ្ញៀវ Alaves ដោយលទ្ធផល ៤-០ ក្នុងក្របខណ្ឌ La Liga កាលពីយប់មិញ។ ៤គ្រាប់របស់ Real ក្នុងនោះ Ronaldo ធ្វើបាន ២គ្រាប់ នៅនាទី ៤៤ និង ៦១ Bale នាទី៤៦ និង Benzema នាទី៨៩ ដោយបាល់ពិន័យ ១១ម៉ែត្រ។

អ្វីដែលគួរឲ្យកត់សម្គាល់ក្នុងការប្រកួតនេះគឺ Ronaldo មានឱកាសអាចធ្វើបានហេតទ្រីក ដោយទទួលបានប៉េណាល់ទី ប៉ុន្តែកីឡាកររូបនេះ បែរជាប្រគល់ឲ្យ Benzema ជាអ្នកស៊ុតទៅវិញ។ ការលះបង់ឱកាសរបស់ Ronaldo នេះ បានទទួលការកោតសរសើរពីគ្រូបង្វឹកក្រុម Real Madrid លោក Zinedine Zidane ផងដែរ ដោយលោកអះអាងថា ទង្វើរបស់ Ronaldo គឺបង្ហាញពីស្មារតីក្រុមយ៉ាងពិតប្រាកដ។

ទោះជាយ៉ាងណា លទ្ធផលនេះ មិនបានធ្វើឲ្យ Real Madrid ប្រែប្រួលចំណាត់ថ្នាក់ឡើយ ពោលគឺស្ថិតនៅចំណាត់ថ្នាក់ទី៣ដដែល មាន ៥១ពិន្ទុ តាមពីក្រោយក្រុមកំពូលតារាង Barcelona ដែលមាន ៦៥ពិន្ទុក្រោយបំបាក់ Girona ៦-១ និងក្រុមលេខ២ Atletico Madrid ដែលមាន ៥៥ពិន្ទុ ។ ចំណែក Alaves ស្ថិតនៅលេខ១៦ មាន ២៨ពិន្ទុ។