ក្មេងប្រុសចិនម្នាក់ ជាប់គាំងក្នុងជណ្ដើរយន្ត ក្រោយបាញ់នោមដាក់ប៉ូតង់បញ្ជា

2018-02-26 09:38:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្មេងប្រុសម្នាក់ រស់នៅតំបន់ភាគនិរតីប្រទេសចិន បានជាប់គាំងក្នុងជណ្ដើរយន្ត១ដែលរងការខូចខាត ក្រោយក្មេងប្រុសនេះ បានបាញ់នោមដាក់ប៉ូតង់បញ្ជា។ ហេតុការណ៍នេះ បានកើតឡើងក្នុងជណ្តើរយន្តនៃផ្ទះល្វែង១កន្លែង នៅក្រុង Chongqing ហើយវីដេអូនេះត្រូវបានបញ្ចេញដោយក្រសួងសន្តិសុខសាធារណៈ នៅលើបណ្តាញសង្គម Weibo កាលពីថ្ងៃទី២៣ កុម្ភៈកន្លងទៅ។

ពាក់ព័ន្ធនឹងករណីនេះ ក្រសួងសន្តិសុខសាធារណៈ មិនបានបញ្ជាក់ពីមូលហេតុនៃការបាញ់នោមនេះទេ ហើយក៏មិនមានវិធានការណាមួយទៅលើក្មេងប្រុសរូបនេះ ឬឪពុកម្តាយក្មេងនេះដែរ ប៉ុន្តែក្រសួងថា ក្មេងប្រុសនេះត្រូវបានដោះលែងវិញហើយ។

គួរកត់សម្គាល់ដែរថា នេះមិនមែនជាករណីលើកទី១នោះទេ។ កាលពីឆ្នាំមុនមានក្មេងប្រុសអាយុ៦ឆ្នាំម្នាក់មកពីក្រុង Yiwa ភាគខាងកើតខេត្ត Zhejiang ក៏ធ្លាប់ទទួលរងរបួសធ្ងន់ធ្ងរ ដោយក្មេងប្រុសរូបនេះ បានព្យាយាមឡើងលើជណ្ដើរយន្តដែលជាប់គាំងនៅជាន់ទី៧។ ការជាប់គាំងជណ្តើរយន្តនេះ គឺបន្ទាប់ពីក្មេងនេះ បានបាញ់នោមទៅលើប៉ូតង់បញ្ជាស្រដៀងនឹងករណីខាងលើនេះដែរ៕

សូមទស្សនាវីដេអូខាងក្រោម៖