Neymar របួសប្រេះឆ្អឹងប្រអប់ជើង ត្រូវអវត្តមានពេលជួប Real
- 2018-02-27 01:25:37
- ចំនួនមតិ 0 | ចំនួនចែករំលែក 0
Neymar របួសប្រេះឆ្អឹងប្រអប់ជើង ត្រូវអវត្តមានពេលជួប Real
ចន្លោះមិនឃើញ
ខ្សែប្រយុទ្ធ Neymar របស់ក្លឹបបាល់ទាត់ PSG ទំនងជាត្រូវអវត្តមានពីការប្រកួតជើងទីពីរ វគ្គ ១៦ក្រុមចុងក្រោយ ពានរង្វាន់ UEFA Champions League ទល់នឹង Real Madrid បន្ទាប់ពីក្រុមគ្រូពេទ្យបានរកឃើញ ស្នាមប្រេះឆ្អឹងប្រអប់ជើង និងគ្រេចកជើង។
ទោះជាយ៉ាងណា PSG មិនបានបញ្ជាក់ពីរយៈពេលដែលកីឡាករវ័យ២៦ឆ្នាំរូបនេះ ត្រូវអវត្តមានពីក្នុងទីលាននោះទេ។
កីឡាករសញ្ជាតិប្រេស៊ីលខាងលើ បានរងរបួសអំឡុងការប្រកួតជាមួយក្រុម Marseille ក្នុងក្របខ័ណ្ឌ Ligue 1 កាលពីចុងសប្ដាហ៍កន្លងទៅ។
សូមបញ្ជាក់ថា PSG នឹងទទួលក្រុមភ្ញៀវ Real Madrid ដែលជាជើងឯក UCL ឆ្នាំមុន បន្ទាប់ពីចាញ់ក្រុមអធិរាជសនេះ ក្នុងលទ្ធផល ៣-១ កាលពីជើងទី១។ Neymar ជាកីឡាករដ៏សំខាន់របស់ PSG បន្ទាប់ពីរកបាន ២៩គ្រាប់ ក្នុង ៣០ប្រកួត ក្រោយផ្ទេរពីក្លឹប Barcelona កាលពីខែសីហា ឆ្នាំ២០១៧៕