លោក Duterte មិនចង់កាន់អំណាចលើសអាណត្តិនោះទេ
- 2018-02-28 04:34:11
- ចំនួនមតិ 0 | ចំនួនចែករំលែក 0
លោក Duterte មិនចង់កាន់អំណាចលើសអាណត្តិនោះទេ
ចន្លោះមិនឃើញ
ប្រធានាធិបតីហ្វីលីពីន លោក Rodrigo Duterte មិនចាប់អារម្មណ៍នឹងការបន្តកាន់អំណាចលើសអាណត្តិនោះទេ ពោលគឺមិនបន្ដកាន់តំណែងជាប្រធានាធិបតី ក្រោយអាណត្តិរបស់គាត់ត្រូវបានបញ្ចប់ នៅឆ្នាំ២០២២ នោះទេ។ នេះបើតាមការបញ្ជាក់របស់អ្នកនាំពាក្យប្រធានាធិបតីហ្វីលីពីន លោក Harry Roque ក្នុងសន្និសីទសារព័ត៌មានជាមួយអ្នកកាសែត កាលពីថ្ងៃទី២៧ ខែកុម្ភៈ ម្សិលមិញ។
អ្នកនាំពាក្យរូបនោះ បន្ថែមថា លោក Duterte នឹងមិននៅបន្ដសូម្បីតែមួយនាទី ក្រោយអាណត្តិរបស់លោកបញ្ចប់នៅឆ្នាំ២០២២ ខាងមុខ។ ជាងនេះទៅទៀត លោក Duterte ចង់ចុះចេញពីតំណែងមុខអាណត្តិផង ប្រសិនរដ្ឋធម្មនុញ្ញត្រូវបានសើរើ។
សូមបញ្ជាក់ថា ការបញ្ជាក់របស់អ្នកនាំពាក្យប្រធានាធិបតីហ្វីលីពីនរូបនេះ គឺក្រោយបក្សកុម្មុយនិស្តចិន បានរៀបចំលុបចោលការកំណត់អាណត្តិប្រធានាធិបតីចិន ដែលជាភ្លើងខៀវបើកផ្លូវឲ្យលោក ស៊ី ជិនពីង អាចកាន់តំណែងជាប្រធានាធិបតីចិនបន្តទៀត៕