រូបចម្លាក់អាក្រាតកាយសម័យបុរេប្រវត្តិ ត្រូវ FB ហាមមិនឲ្យបង្ហោះ
- 2018-03-01 07:47:16
- ចំនួនមតិ 0 | ចំនួនចែករំលែក 0
រូបចម្លាក់អាក្រាតកាយសម័យបុរេប្រវត្តិ ត្រូវ FB ហាមមិនឲ្យបង្ហោះ
ចន្លោះមិនឃើញ
សារមន្ទីរNatural History ក្នុងទីក្រុងVienna ប្រទេសអូស្រ្តាលី កាលពីថ្ងៃ២៨ កុម្ភៈ បានប្រតិកម្មទៅនឹងការហាមឃាត់មិនឲ្យចុះផ្សាយរូបចម្លាក់ស្ត្រីអាក្រាតកាយ ដែលជារបស់មានតម្លៃក្នុងសម័យកាលបុរេប្រវត្តិ។
រូបចម្លាក់នេះ ត្រូវបានគេហៅថា “Venus of Willendorf”។ វា មានអាយុកាលជាង៣ម៉ឺនឆ្នាំ ដែលត្រូវបានគេរកឃើញ ក្នុងភូមិមួយនៃក្រុងWillendorf ប្រទេសអូស្ត្រាលី ដោយលោក Josef Szombathy បុរាណវិទូជនជាតិអូស្រ្តីស-ហុងគ្រី ក្នុងឆ្នាំ១៩០៨។ វា ត្រូវបានគេចាត់ទុកជានិមិត្តរូបដ៏សំខាន់របស់សារមន្ទីរ។ នេះបើតាមការថ្លែងរបស់លោក Christian Koeberl អ្នកគ្រប់គ្រងទូទៅក្នុងសារមន្ទីរNatural History។លោក បានបន្តថា លោករូមចម្លែងដែលមានប្រវែង១១សង់ទីមែត្រនេះ គឺពេញនិយម និងត្រូវបានគេស្គាល់ថា ជាតំណាងឲ្យស្ត្រីទូទាំងសកលលោក។
ភាពចម្រុងចម្រុះ បានកើតឡើងកាលពីខែធ្នូឆ្នាំមុន នៅពេលលោក Laura Ghianda វិចិត្រករជនជាតិអ៊ីតាលី បានបង្ហោះនូវរូបភាពរបស់រូបចម្លាក់នេះក្នុងបណ្ដាញសង្គម ដែលវាត្រូវបានគេចាប់អារម្មណ៍យ៉ាងខ្លាំង។
ជុំវិញរឿងនេះ សារមន្ទីរNatural History បានចេញសេចក្ដីថ្លែងការណ៍ថា "យើងគិតដូច្នេះថា វត្ថុបុរាណនេះ មិនគួរត្រូវបានហាមឃាត់ពីហ្វេកបុកឡើយដោយមូលហេតុអាក្រាតនោះទេ។ រូបចម្លាក់នេះ បង្ហាញខ្លួនតំណាងឲ្យឧត្តមភាពរបស់មនុស្សក្នុងសម័យបុរេប្រវត្តិ ដោយមិនមានសម្លៀកបំពាក់។" គូសបញ្ជាក់ថា ហ្វេកបុក ជាធម្មតាត្រូវបានរិះគន់ជុំវិញមាតិកាណា ដែលវាបានហាមឃាត់មាតិកាទាំងនោះ មិនឲ្យចុះផ្សាយ។