រថយន្តនាំចូលពីថៃទៅកាន់វៀតណាម មិនត្រូវបានយកពន្ធជាលើកដំបូង

2018-03-06 04:19:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថយន្តរបស់ក្រុមហ៊ុនហុងដាជាង ២ពាន់គ្រឿង ត្រូវបាននាំចូលពីប្រទេសថៃ ទៅកាន់វៀតណាម ដោយមិនត្រូវបានយកពន្ធ ក្រោមកិច្ចព្រមព្រៀងពាណិជ្ជកម្មសេរីរបស់អាស៊ាន (AFTA) កាលពីពេលថ្មីៗកន្លងទៅ។ រថយន្តទាំងនេះ មានម៉ាក Jazz, Accord, CR-V និង Civic ។

អ្នកនាំពាក្យក្រុមហ៊ុនហុងដាប្រចាំនៅប្រទេសវៀតណាម បានឲ្យដឹងថា ដើម្បីនាំចូលយានយន្តទៅកាន់វៀតណាមបាន ក្រុមហ៊ុនបានបំពេញលក្ខខណ្ឌ ស្របតាមក្រឹត្យ ១១៦ របស់វៀតណាម ស្ដីពីការផលិត ការដំឡើង ការនាំចូល ការផ្ដល់ការធានា ការថែទាំរថយន្ត និងវិញ្ញាបនបត្រយល់ព្រមនូវប្រភេទរថយន្តរបស់នាយកដ្ឋានដឹកជញ្ជូនផ្លូវគោករបស់ថៃ។

រថយន្តដែលនាំចូលទៅកាន់វៀតណាមជាង ២០០០គ្រឿងនោះ នឹងត្រូវដាក់លក់ក្នុងចន្លោះខែឧសភា ដល់ខែមិថុនា ដើម្បីទុកពេលឲ្យក្រុមជំនាញធ្វើការត្រួតពិនិត្យរថយន្តជាមុនសិន។ តម្លៃរបស់រថយន្តនីមួយៗ នឹងអាចធ្លាក់ចុះជាង ៨៨០០ដុល្លារ បើធៀបនឹងតម្លៃពេលយកពន្ធ។ នេះបើតាមការបញ្ជាក់របស់អ្នកប្រឹក្សាក្រុមហ៊ុនហុងដា។

សូមជម្រាបថា ក្រុមហ៊ុនពីរទៀត កំពុងធ្វើការបំពេញលក្ខខណ្ឌ ដើម្បីនាំចូលរថយន្តទៅកាន់វៀតណាមផងដែរ។ ក្រុមហ៊ុនទាំងនោះគឺ Toyota Motor Vietnam និង Ford Viet Nam ៕

ប្រភព៖ The Jakarta Post ប្រែសម្រួល៖ លាភ.