ខ្សែភាពយន្តឯកសារក្បាច់គុនល្បុក្កតោ ត្រូវចាក់បញ្ចាំងចាប់ពីល្ងាចនេះតទៅ

2018-03-08 06:31:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែភាពយន្តឯកសារក្បាច់គុនល្បុក្កតោរយៈពេល ៩៧ នាទី នឹងត្រូវដាក់បញ្ចាំងថ្ងៃព្រហស្បតិ៍ ទី៨ ខែមីនានេះ នៅសាលមហោស្រពចតុមុខ ចាប់ពីម៉ោង ៦ ល្ងាចតទៅ។ នេះជាការឲ្យដឹងពីគណៈកម្មាធិការជាតិអូឡាំពិកកម្ពុជា។

ក្បាច់គុនល្បុក្កតោ ត្រូវបានសម្ដែងនៅក្រុងសៀមរាប នាពេលកន្លងទៅ

ខ្សែភាពយន្តឯកសារល្បុក្កតោនេះ ត្រូវផលិតដោយផលិតករជនជាតិកាណាដា Mark J Bochsler និងភរិយារបស់លោក ឈ្មោះ Sandra ។ ខ្សែភាពយន្តនេះ មានចំណងជើងថា “Surviving Bokator” ដែលអ្នកទស្សនាអាចចូលរួមដោយសេរីចំពោះអ្នកទៅដល់មុនគេ ក្នុងចំនួនពាក់កណ្ដាលនៃចំនួន ៥៧០ កៅអីនៅ មហោស្រព តែបើមិនបានមកដល់មុនទេ នោះត្រូវបង់ថ្លៃត្រឹម ៥០០០ រៀលប៉ុណ្ណោះ។ ក្នុងនោះមានការទស្សនាឥតបង់ថ្លៃ ពីរថ្ងៃទៀត ទី១ នៅសាលមហោស្រពកោះពេជ្រ ចាប់ពីវេលាម៉ោង ៦ ល្ងាច នាថ្ងៃសុក្រនេះ និង នៅវិទ្យាស្ថានភាសាបារាំង ចាប់ពីម៉ោង ៣ រសៀលតទៅនៅថ្ងៃសៅរ៍ ចុងសប្ដាហ៍នេះ។

ក្នុងសន្និសីទកាសែត លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា អមដោយគ្រូតា សាន គឹមស៊ាន និង ផលិតករ Bochsler បានមានប្រសាសន៍ថា ខ្សែភាពយន្តឯកសារនេះត្រូវបានផ្ដួចផ្ដើម ៨ ឆ្នាំមកហើយ និងប្រហែលចំណាយពេល ៥ ឆ្នាំក្នុងការផលិត ឬស្មើ ៤០០ ម៉ោង៕

អត្ថបទ៖ លាភ.